काठमाडौं । जाजरकोटमा भूकम्पबाट ज्यान गुमाउनेको संख्या ९२ पुगेको छ । आठ जना गम्भीर घाइतेलाई थप उपचारका लागि सुर्खेत पठाइएको छ ।
अहिलेसम्म ९२ जनाको मृत्यु भएको पुष्टि भएको र यो संख्या थप बढ्नसक्ने जिल्ला प्रहरी कार्यालय जाजरकोटले जानकारी दिएको छ ।
प्रहरीका अनुसार ५५ जना घाइते भएका छन् ।
जिल्ला प्रशासन कार्यालय जाजरकोटका सूचना अधिकारी हरिश्चन्द्र शर्मा भन्छन्, “दुर्गम क्षेत्रमा सञ्चार सम्पर्क हुन सकेको छैन । त्यसका लागि केन्द्रबाट हेलिकोप्टर आउँदै छ ।”
सयौं घर लडेका र त्यहाँ पुरिएका स्थानीयको उद्धार गर्न बाँकी रहेकाले मृतकको संख्या बढ्ने देखिएको उनले बताए ।
सदरमुकाममा मात्रै एकसयभन्दा धेरै घाइतेको उपचार गरिसकेको उनले बताए ।
गाउँगाउँमा ठूलो संख्यामा घाइते भएको हुनसक्ने तर विवरण आउन नसकेको सूचना अधिकारी शर्मा बताउँछन् ।
असार ५, २०८३ शुक्रबार
जाजरकोटमा भूकम्पबाट मृत्यु हुनेको संख्या ९२, यो संख्या थप बढ्नसक्ने
ABC NEWS
कार्तिक १८, २०८० शनिबार ७ : १५ बजे
प्रतिक्रिया दिनुहोस्