काठमाडौँ । नेकपा (एमाले) बागमती प्रदेश अधिवेशनको बन्दसत्र सुरु भएको छ । आज काठमाडौँको कमलादीस्थित नेपाल प्रज्ञा–प्रतिष्ठानमा बन्दसत्र सुरु भएको हो ।

अधिवेशन सम्पन्न गर्न स्थायी कमिटी सदस्य गुरु बरालको अध्यक्षतामा ११ सदस्यीय अध्यक्ष मण्डल गठन गरिएको छ । अध्यक्ष मण्डलमा शेरबहादुर तामाङ, पार्वत गुरुङ, आनन्द पोखरेल, गोकुल बास्कोटा, रत्न गुरुङ, रामेश्वर फुयाल, कृष्ण राई लगायतका नेता छन् ।

बन्दसत्रमा प्रदेश कमिटी अध्यक्ष केशवराज पाण्डेले पेश गर्ने राजनीतिक प्रतिवेदनमाथि छलफल सकेर पारित गरिने छ । त्यसपछि नेतृत्व चयनको प्रक्रिया सुरु हुने पार्टीले जनाएको छ ।

एमाले बागमती अध्यक्षका लागि कृष्णभक्त पोखरेल, कैलाश ढुंगेल, कृष्ण दाहाल, केशवराज पाण्डे, सानु श्रेष्ठलगायत नेता आकांक्षी छन् ।