काठमाडौ २४ भदौ । नेपाल क्रिकेट संघ क्यानको केन्द्रीय निर्वाचनका लागि बागमती प्रदेशबाट पारस खड्कासहित तीन जना प्रतिनिधि चयन भएका छन् ।शनिवार बसेको प्रदेश क्रिकेट संघको बैठकले खड्कासँगै शेखर श्रेष्ठ, प्रेमबहादुर क्षेत्रीलाई प्रतिनिधिका रूपमा पठाउने निर्णय गरेको हो ।यस्तै संघले विभिन्न उपसमिति गठन गर्दै संयोजक र सदस्य पनि चयन गरेको छ ।

जसअनुसार आर्थिक समितिमा पारस खड्का, प्रसन्न शाक्य र सन्जोग पोखरेल रहेका छन् ।यस्तै प्राविधिक समितिमा वसन्तराज सत्याल, सुजन महर्जन, नीरा राजोपाध्याय, राजु खड्का, विनोद बानिया, सुरज शाक्य र रिकेश लामा रहेका छन् ।

विकास समितिमा अनुजमान श्रेष्ठ, धिरज श्रेष्ठ र अन्य तीन सदस्य थप गर्ने निर्णय भएको छ ।कार्यक्रम समितिमा अजयवीर पाण्डे, अनुजमान श्रेष्ठ, प्रेमबहादुर क्षेत्री, सञ्जय बस्नेत र सुजन महर्जन रहेका छन् । खेलाडी छनौट समिति भने अर्को बैठकबाट चयन गर्ने निर्णय भएको छ ।यस्तै प्रदेशको क्रिकेट संयोजकमा अनिल अधिकारी, महिला क्रिकेट संयोजकमा नीरा राजोपाध्यायलाई चयन गरेको छ ।