काठमाडौं १९ भदौ । गाउँ, शहर र दुनिया ब्युझाउने अभियानका साथ अनवरत रुपमा समाचार, सूचना र जनजीविकाको सवाललाई उठाउँदै आएको एबीसी टेलिभिजन स्थापना भएको आज १५ वर्ष पूरा भएको छ ।

गणतन्त्र नेपालको पहिलो न्यूज च्यानल एबीसी टेलिभिजन आजबाट १६ औं वर्षमा प्रवेश गरेको छ । गाउँ शहर र दुनिया बिउँझाउने अभियानका साथ गाउ, शहर र दुनियाकै सत्य, तथ्य र निष्पक्ष समाचारहरु प्रस्तुत गर्ने एबीसीको यात्राले आज १५ औं वर्ष पूरा गरेको छ । एक्यूरिसी, ब्यालेन्स, क्रेडिबिलिटी अर्थात् एबीसी न्यूजले टेलिभिजनको पर्दाबाट जस्ताको तस्तै पस्किदै आइरहेका विषय–वस्तुहरु र गाउँ समाजका अन्तरकुन्तर कथा, व्यथाहरु । विशेषगरी, देशको दूरदराजमा अवस्थित आवाजविहीनहरुका आवाजहरु सरकारसम्म पु¥याउने प्रयत्नमा एबीसी हरदम तत्पर रह्यो र छ पनि ।

एबीसी टेलिभिजनको प्रसारण नेपालीआम सञ्चार माध्यमको भीडमा एक पृथक र प्रगतिशील पहल थियो । अनेका सीमाका बाबाजुद आजपर्यन्त त्यो अभियान जारी रहेको प्रधानसम्पादक तथा संसस्थापक अध्यक्ष शुभशंकर कंडेलले बताएका छन् । कंडेलका अनुुार नेपाली समाजको प्रगतिशील रुपान्तरण धारालाई अघि बढाउने उद्धेश्यमा नेपाली बजार र रैथाने वर्ग गम्भीर बाधक रहंदै आएको छ । समाजका अन्य विषयमा नेपाली समाज उदार भएपनि राजनीतिक परिवर्तत र सो अनुरुपको व्यवस्था कायम गर्ने विषयमा नेपालको काठमाडौं केन्द्रित रैथाने वर्ग विशषेत व्यापारिक घरानाहरु निकै अनुदार रहेको कंडेलको अनुभव छ ।

एबीसी न्यूजले केबल समाचार मात्रै प्रवाह गरेन, सागीतिक र मनोरञ्जनात्मक कार्यक्रमहरुले उत्तिकै दर्शन, श्रोताको मन जित्न सफल भइ नै रहेकोछ ।

विशेषतः समाजका उपेक्षित र कमजोर वर्गका सवालहरुलाई थप उजागर गर्दै न्याय र समानताको लडाइमा थप सशक्तबन्ने अभियान जारी नै छ ।

गाउँ, समाज र दुनियाको खबरलाई ऐना जस्तै जस्ताको तस्तै प्रस्तुत गर्ने एबीसी न्यूजको अभियानलाई निरन्तर साथ, सहयोग र सुझाव दिदै आउनुहुने सम्पूर्ण आदरणीय दर्शकबिन्दहरुमा हामी पुनः आभार व्यक्त गर्दछौं । यहाहरुको सुझावलाई आत्मसात् गर्दै अघि बढ्ने प्रण गर्दछौं । यहाँहरुको हौसला र मायाले गाउँ, शहर र दुनिया बिउ“झाउने हाम्रो अभियान थप जागृत हुने विश्वास व्यक्त गर्न चाहन्छौं ।