काठमाडौं । जुवातास खेलिरहेको अवस्थामा काठमाडौंबाट १२ जना पक्राउ परेका छन् ।
टोखा नगरपालिका–९, मिलनटोलस्थित राजेन्द्रप्रसाद जोशीको सेती गण्डकी गेस्टहाउसमा जुवातास खेलिरहेको अवस्थामा आइतबार राति प्रहरीले उनीहरूलाई नियन्त्रणमा लिएको हो । पक्राउ पर्नेमा बैतडीको पुर्चौडी नगरपालिका–९ का ३६ वर्षीय राजेन्द्रबहादुर थापासहित १२ जना छन् ।
नगद १० लाख ४४ हजार ५०० नेपाली रुपैयाँ र दुई हजार ५०० भारुसहित उनीहरूलाई पक्राउ गरिएको प्रहरीले जनाएको छ ।
प्रतिक्रिया दिनुहोस्