काठमाडौं ३१ जेठ । चिनियाँ वैज्ञानिकले बनाए सुपर कम्प्युटरभन्दा १८ करोड गुणा शक्तिशाली क्वान्टम कम्प्युटर

काठमाडौं । चिनियाँ वैज्ञानिकले क्वान्टम कम्प्युटिङमा अर्को कोसेढुङ्गा हासिल गरेको दाबी गरेका छन् ।
उनीहरूले आफ्नो ‘जिउजाङ क्वान्टम कम्प्युटरु आर्टिफिसियल इन्टेलिजेन्स ‘एआई’ सम्बन्धीका काममा विश्वको सबैभन्दा शक्तिशाली सुपर कम्प्युटरभन्दा १८ करोड गुणा शक्तिशाली भएको घोषणा गरेका हुन् ।
जिउजाङ क्वान्टम कम्प्युटरलाई डाटा माइनिङ, जैविक जानकारी पत्ता लगाउन, नेटवर्क विश्लेषण गर्न र रासायनिक मोडलिङजस्ता अनुसन्धानमा प्रयोग गर्न सकिने उनीहरूले बताएका छन् ।

‘हाम्रो काम अहिलेका मध्यम क्षमताका क्वान्टम कम्प्युटर प्रयोग गरी वर्तमान विश्वका समस्या समाधान गर्नेतर्फको कदम हो,’ चीनको विज्ञान र प्रविधि विश्वविद्यालयका भौतिकशास्त्री प्यान जियानवे नेतृत्वको टिमले भनेको छ ।
प्यान जियानवेलाई चीनमा क्वान्टमका पिता भनेर समेत भनिन्छ ।

यससम्बन्धी चिनियाँ अन्वषेकको लेख गत महिना ‘फिजिकल रिभ्यू लेटर जर्नलमा प्रकाशित भएको थियो ।
चिनियाँ अन्वेषकको टोलीले सामान्य कम्प्युटरका लागि चुनौतीपूर्ण समस्या क्वान्टम कम्प्युटरबाट समाधान गरेका थिए । उक्त समस्या समाधान गर्न क्वान्टम कम्प्युटरले दुई लाख भन्दा बढी नमुना ९स्याम्पल० प्रशोधन गरेको थियो ।
अन्वेषकहरूले क्वान्टम कम्प्युटरलाई ‘रेन्डम सर्च’ र ‘सिमुलेटेड एनिलिङ’ गर्न लगाएका थिए । एल्गोरिदमबाट यसरि खासगरी एआईमा मात्रै काम गरिन्छ ।
हालको सबैभन्दा तीव्र क्लासिकल सुपर कम्प्युटरले प्रत्येक नमुना समाधान गर्न ७०० सेकेन्ड लगाउँछ । यसको अर्थ दुई लाख नमुना प्रशोधन गर्न सुपर कम्प्युटरबाट करिब पाँच वर्ष लाग्ने छ ।
जिउजाङ क्वान्टम कम्प्युटरले भने यी सबै नमुना एक सेकेन्डभन्दा कम समयमा समाधान गरेको हो ।
यसअघि क्वान्टम कम्प्युटरले कुनै पनि समस्या समाधान गर्न एल्गोरिदमसँगै काम नगर्ने चुनौती भएको भनिएको थियो । तर, यो अझै पनि कुन हदसम्म सफल भयो भन्ने प्रश्न बाँकी रहेको चिनियाँ अन्वेषकहरूको अनुसन्धान लेखमा भनिएको छ ।