काठमाडौं १७ जेठ । प्रधानमन्त्री पुष्पकमल दाहाल प्रचण्ड पहिलो विदेश यात्राका रुपमा आज भारत भ्रमणमा जाँदैछन् । नयाँ निर्वाचनपछि तेस्रो पटक प्रधानमन्त्री भएका प्रचण्ड पहिलोपटक भारतको औपचारिक भारत भ्रमणमा जाँदैछन् ।

प्रधानमन्त्री प्रचण्ड नेतृत्वको टोली दिउँसो २:५० मा दिल्लीको इन्दिरा गान्धी अन्तर्राष्ट्रिय विमानस्थलमा अवरतरण  सचिवालयले जनाएको छ ।

मन्त्रिपरिषद्को बैठकले स्वीकृत गरेको भ्रमण टोलीमा प्रधानमन्त्री प्रचण्डसहित अरु पाँच जना मन्त्रीहरु सहभागी छन् । टोलीमा भौतिक पूर्वाधारमन्त्री प्रकाश ज्वाला, ऊर्जा, जलस्रोत तथा सिँचाइमन्त्री शक्तिबहादुर बस्नेत, परराष्ट्र मन्त्री एनपी साउद, अर्थ मन्त्री डा. प्रकाशशरण महत र उद्योगमन्त्री रमेश रिजाललगायत छन् । उनको टोलीमा डेढ दर्जन सचिवत तथा सहचिव र सुरक्षाकर्मी सभित ५३ सदस्यीय सरकारी टोली र त्यतिकै संख्या निजी क्षेत्रका प्रतिनिधिहरु रहेका छन
।

प्रधानमन्त्री प्रचण्ड नेतृत्वको टोली जेठ यही जेठ २० गते स्वदेश फर्किने कार्यक्रम छ ।

परराष्ट्रमन्त्री एनपी साउदका अनुसार भ्रमणका क्रममा दुई देशबीचको सम्बन्धलाई ज्यादा प्रगाढ बनाउन प्रयत्न रहने छ। ब्यापार तथा पारवहन, हवाई तथा स्थल यातायात, भौतिक पूर्वाधार विकास, आर्थिक सहयोग र ऊर्जाका मुद्दामा बढी जोड दिइने उनको भनाइ छ । भ्रमणका क्रममा पञ्चेश्वर परियोजना, गौतमबुद्ध अन्तर्राष्ट्रिय विमानस्थल लगायतका विषयमा समेत टुंगोमा पुग्न प्रयास गर्ने मन्त्री साउदले जानकारी दिए ।

प्रधानमन्त्री प्रचण्डले पनि भ्रमणमा सके राम्रो गर्ने नसके कुनै नराम्रो गर्दै नगर्ने प्रतिवद्धता जनाएका छन
।

उनी आज दिल्ली पुगेर आइटीसी मौर्य होटलमा बस्नेछन् । त्यहीं भारतीय विदेशमन्त्री, विदेश सचिव र भारतीय प्रधानमन्त्रीका सुरक्षासल्लाहाकार लगायतले भेटवार्ता गर्नेछन। सांझ प्रधानमन्त्रीका प्रचण्डको सम्मान नेपाली दुतावासले रिसेप्सन आयोजना गरेको राजदूत डा.शंकर शर्माले जानकारी दिए ।