काठमाडौं । वि.सं. २००३ सालमा स्थापना भएको विश्व निकेतन माध्यमिक विद्यालयको निकै लामो इतिहास छ । यसै विद्यालयमा तीन दशक शिक्षा क्षेत्रमा बिताएका हेरम्बराज कँडेल प्रधान्याध्यापक छन् । विज्ञान विषयको शिक्षकको रुपमा विद्यालयमा आवद्ध भएका उनले विद्यालय तहको अध्ययनमा प्रथम स्थान हाँसिल गर्दै २०४२ सालको एसएसलसी परीक्षामा प्रथम श्रेणीमा उत्रिण भएका कंडेलले अमृत साइन्स क्याम्पसबाट आईएससी, बिएससी र केन्द्रीय वनस्पती विभाग कीर्तिपूरबाट एमएससीसम्मको अध्ययन पूरा गरेका छन् । उनले बिएड, बिएल समेत अध्ययन गरेका छन् ।

वि.सं. २०७२ सालदेखि विश्व निकेत माविको प्रधानाध्यापक रहेको कंडेलले जीवनमा कहिल्यै पनि शिक्षक बन्ने सोचेका थिएनन् । न योजना नै बनाएका थिए । तर उनले आफ्नो जीवन नै शिक्षा सेवामा समर्पित गरेका छन् । अकस्मान शिक्षण पेशा अंगाल्ने अवसर पाएका कंडेललाई आफू विज्ञान विषय विद्यार्थी भएकाले सोही विषयमा अध्यापन गर्न विज्ञानको विद्यार्थी भएकाले उनले सोही विषयमा अध्यापन गराउन उपयुक्त लाग्यो ।

‘जोगीलाई सिदा र विद्यार्थीलाई बिदा’ पाउँदा ‘हुर्रे’ भन्दै उफ्रिने चलन छ । कंडेलले आफू पनि उक्त उक्तीबाट अछुतो नरहेको बताउँछन् । चैत–बैशाखमा ठूलो हावाहुरी आउँदा पढ्न जानुनपर्ने कुराले आफू निकै खुशी हुने गरेको उनले आफ्नो विगत सुनाए । घरबाट लगेको चकटीमा बसेर पढेका उनी अहिले विद्यावारिधि गर्ने तयारीमा छन् । जोकोहीले प्राध्यापन पेशा अंगाल्न नसक्ने मान्यता राख्ने प्रध्यानाध्यापक कंडेलले व्यक्त गरेका विचार :

यति धेरै वर्ष पढाईसकेपछि मलाई के लाग्न थालेको छ ? भने पढाउन भन्दा पनि पढ्न सहज हुने रहेछ । विद्यार्थीहरुलाई अहिले पनि पढाउने चलन छ वास्तवमा पढाउने भनेको सिकाउने पनि हो रहेछ । विभिन्न पेशामा आवद्ध रहेका अल्छी, लज्जालु, चलाख सबै किसिमका विद्यार्थीहरुको क्षमता अनुसार उनीहरुको सीप विकास गर्नुपर्ने रहेछ । हामीले उहाँहरुलाई न्याय नै गरेका छौं ।