काठमाडौं, १५ माघ । माओवादी केन्द्रका अध्यक्ष पुष्पकमल दाहाल प्रचण्डले वाम शक्तिहरु मिलेर नै स्थायित्व, सुशासन र समृद्धिको यात्रा पार गर्न सकिने बताउनुभएको छ ।

प्रेस सेन्टर नेपालको १४औं स्थापना दिवसको अवसरमा आयोजित कार्यक्रममा बोल्दै अध्यक्ष प्रचण्डले समाजवादतर्फ जाने आफूहरुको अभियान नरोकिने स्पष्ट गर्नुभयो ।

देशलाई अस्थिरतातर्फ धेकेलेर फाइदा लिन खोज्नेहरु सक्रिय रहेको बताउँदै उहाँले मुलुकमा आर्थिक अराजकताको भूमरीमा परिराखोस भन्नेहरु सल्वलाएको बताउनुभयो ।

जनताले वाम एकता र वाम एकताले अघि सारेको घोषणापत्रलाई अनुमोदन गरिसकेको भन्दै उहाँले देशको मुहारमा खुशी ल्याउने जिम्मेवारी वाम गठबन्धनको भएको बताउनुभयो ।

प्रचण्डले अगाडि भन्नुभयो– ‘हामीले देखेका सपना पूरा भएका छैनन् । तत्कालीन युद्धमा कलम, बन्दुक, र मादललाई मुख्य हतियार थिए । अब कलम मुख्य बनेको छ । बाँकी सपना कलमका माध्यमबाट पूरा गर्नुपर्छ ।’