काठमाडौं, २९ पुस । प्रहरी प्रधान कार्यालयले बिहीबार साँझ ६ जना प्रहरी निरीक्षक (इन्स्पेक्टर)को काज सरुवा गरेको छ । प्रहरी प्रभाग बूढानीलकण्ठका प्रमुख इन्स्पेक्टर अनिल ठकुरीको प्रहरीको केन्द्रीय अनुसन्धान ब्युरो ९सीआईबी०मा काज सरुवा गरिएको छ ।

ठकुरी अपराध अनुसन्धानमा उत्कृष्ट प्रहरी निरीक्षक मानिन्छन् । बूढानीलकण्ठ जानुअघि प्रहरीको मानव बेचबिखन नियन्त्रण ब्युरो र काठमाडौं प्रहरीको विशेष टोलीमा रहेर काम गरेको अनुभव ठकुरीसँग छ ।

बूढानीलकण्ठ प्रहरी प्रमुखको रूपमा ठकुरीले १४ महिना विवादरहीत काम गरेका छन् । त्यस्तै सीआईबीमा कार्यरत प्रहरी निरीक्षक दिपेन्द्र चन्दको काज बूढानीलकण्ठमा भएको छ ।
लामो समय उपत्यका अपराध अनुसन्धान कार्यालय र सीआईबीमा बसेका चन्द संगठित अपराध अनुसन्धानमा अब्बल मानिन्छन् । उपत्यका अपराध अनुसन्धानमा कार्यरत निरीक्षक गजेन्द्र रावलको काज इलाका प्रहरी कार्यालय लुम्बिनीमा भएको छ ।

रावल लामो समयदेखि उपत्यका अपराध अनुसन्धानको जघन्य अपराध पिलरमा बसेर काम गरेका निरीक्षक हुन् । उनी प्राविधिक विश्लेषणमा उत्कृष्ट मानिन्छन् । त्यस्तै साकारराज पन्तको जिल्ला ट्राफिक प्रहरी कार्यालय रुपन्देही, केशव केसीको जिल्ला प्रहरी कार्यालय पर्वत, बाबुराज कार्कीको जिल्ला प्रहरी कार्यालय धादिङ काज सरुवा भएको छ । बिहीबार बिहान मात्रै गृह मन्त्रालयले १७ प्रहरी नायब महानिरीक्षक (डीआईजी) र २४ प्रहरी वरिष्ठ उपरीक्षक ९एसएसपी० को समेत काज सरुवा गरेको थियो ।