काठमाडौं २१ पुस । नेपाली कांग्रेसले संसदीय दलको बैठक बोलाएको छ। शनिबार दिनको १ बजे संसदीय दलको कार्यालयमा दलको बैठक बोलाइएको छ ।
कांग्रेसको दलको नेतामा सभापति शेरबहादुर देउवा चयन भइसकेका छन्। यस्तै दलको मुख्य सचेतकमा रमेश लेखक चयन भएका छन्।
एमालेसहित सात राजनीतिक दल र ३ स्वतन्त्र सांसदसहित १६९ जनाको समर्थन लिएर प्रधानमन्त्री नियुक्त भएका पुष्पकमल दाहाल प्रचण्डले पुस २६ गते विश्वासको मत लिँदैछन्। सरकारले लिन लागेको विश्वासको मतको बारेमा के गर्ने भन्ने बारेमा सांसदहरुसंग राय लिइने बताइएको छ ।
दलको बैठक अघि कांग्रेस सभापति देउवाले सत्तारुढ दलकै केही नेताहरुसँग भेटवार्ता गरिरहेका छन्।
देउवाले बिहीबार जनता समाजवादी पार्टी (जसपा) अध्यक्ष उपेन्द्र यादवसँग छलफल गरेका छन्।
बुधबार विहान माओवादी केन्द्रका उपमहासचिव जनार्दन शर्मासँग भेट गरेका थिए। शर्मा देउवा मन्त्रिपरिषद्का भित्रिया मन्त्री मानिन्थे । पछिल्लो वाम गठबन्धनका बारेमा ससमेत शर्माको असहमति थियो ।
प्रतिक्रिया दिनुहोस्