काठमाडौं, ७ माघ । वन बेल्ड वन रुल अन्तर्गत अन्तर्राष्ट्रिय व्यापार तथा लगानी मञ्चमा नेपाली कम्पनी र चिनियाँ उद्यमीबीच व्यापारिक सम्झौता भएको छ ।

बेजिङ स्थित ओ.बि.ओ.आर अन्तर्राष्ट्रिय व्यापार तथा लगानी मञ्चमा नेपाली कम्पनीहरु र चिनियाँ उद्यमी, व्यापारीहरुबिच दुई राष्ट्रिय व्यापार आदानप्रदान तथा व्यापार तथा लगानीका लागि अन्तर्राष्ट्रिय एवं व्यापारिक सम्झौता भएको हो ।

ओ.बि.ओ.आर अन्तर्राष्ट्रिय व्यापार तथा लगानी मन्चको अध्यक्ष भाष्करराज राजकर्णिकारको नेतृत्वमा नौ सदस्यीय व्यापारिकले सम्झौतामा हस्ताक्षर गरेका हुन् । सार्क उद्योग वाणिज्य संघका अध्यक्ष सुरज बैध समेत चीनका ओ.वि.ओ.आर अन्तर्राष्ट्रिय व्यापार तथा लगानी मञ्चका कार्यकारी अध्यक्ष जोङ जुझाङ लगायतको उपस्थिती रहेको थियो ।

नेपालबाट दमक औद्योगिक पार्क समितिका अध्यक्ष गोविन्द थापा, नेपाल विज्ञापन संघका पूर्व अध्यक्ष एवं वेलकम गु्रपका अध्यक्ष निर्मलराज पौडेल, कार्यबिनायक टेड समुहका राजेश बज्राचार्य, रज्जु श्रेष्ठ, विपिन तिमिला, राजु डंगोल लगायत उद्यमी व्यवसायीहरुको समेत सहभागिता रहेको थियो ।