काठमाडौं, २९ भदौ ।
पाँच दलीय सत्ता गठबन्धनका शीर्ष नेताहरुबीच आगामी निर्वाचनका लागि सिट बाँडफाँटमा सहमति जुटाउन निरन्तर छलफल हुँदै आएको छ । तरपनि, सिट बाँडफाँट सम्बन्धमा सहमति जुट्न सकेको छैन । निर्वाचन आयोगले समानुपातिक उम्मेदवारको सूची असोज २ गतेसम्म बुझाउनुपर्ने समयसमा तोकेको छ । जस कारण, पनि दलहरु प्रत्यक्षतर्फको सिट टुंग्याउनु अघि समानुपातिकको सूची तयार गर्न यतिबेला आन्तरिक गृहकार्यमा जुटेका छन् । यसै सन्दर्भमा जनता समाजवादी पार्टीका नेता मनिष सुमन र प्रचार विभाग प्रमुख पूर्णबहादुर बस्नेतसँग एबीसीकर्मी ध्रुव अधिकारीले गरेको संवादमा आधारितः
पाँच दलीय सत्ता गठबन्धनको बैठकमा जनता समाजवादी पार्टीका अध्यक्ष उपेन्द्र यादवसहित नेता मनिष सुमन पनि सहभागी हुदै आएका छन् । बैठकमा भएको छलफलबारे बोल्दै सुमनले गठबन्धनमा करिब–करिब ८० प्रतिशत सिट संख्या टुंगिएको बताए ।
उनले भने, “निर्वाचनमा तालमेल गर्ने सम्बन्धमा लगातार बैठक बस्दै आएको छ । सबै टुंग्याऔं भन्ने उद्देश्यका साथ बसेका छौं । तर, बैठकमा सबै थोक सोच्नपर्ने रहेछ । छलफल करिब, करिब टुंगिएको छ । ८० प्रतिशत सिट टुंगिसकेका छन्, निर्णय गर्न मात्र बाँकी छ ।”
बैठकमा द्वीपक्षीय, त्रिपक्षीय छलफल पनि भएको भन्दै उनले पाँच वटै दलहरुमा अत्याधिक सिटबारे छलफल भएको बताए । निर्णयमा पुगेको छ, आजदेखि तीन दिन मात्रै बाँकी छ, समानुपातिक सूची सबै पार्टीले बुझाउनुपर्नेछ । पार्टीको सूची तयार गर्नुपर्ने भएकाले समानुपातिकको असोज २, ३ गतेसम्म । असोज ४ गते पश्चात् बस्ने पहिलो वा दोस्रो बठकमा सहमति जुट्न सक्ने उनको भनाइ छ ।
उनले भने, “प्रतिनिधिसभातर्फ १६५ निर्वाचन क्षेत्रको तालमेल र सूची पाउनुहुनेछ, त्यसपछि ३३० वटा सिट हामी टुंग्याउनेछौं ।”
जसपाले मुख्यगरी, मधेश प्रदेश केन्द्रीत हुने गरेपनि प्रदेश १, मधेश, लुम्बिनी र सुदूरपश्चिम प्रदेशमा ल्याकत अनुसार निर्वाचित हुने सिट ल्याएकले त्यसमा दाबी गर्दै आएको छ । उनले गठबन्धनमा सम्मानजनक सिट बाँडफाँट हुनुपर्ने गरी छलफल हुने गरेको बताए ।
‘गठबन्धनकै निर्णय मात्र कुर्दैनौं’
यसैगरी, जसपा प्रचार विभाग प्रमुख पूर्णबहादुर बस्नेत भने गठबन्धनमा सबै दलको आ–आफ्नै दाबी रहेको बताउँछन् । गठबन्धनले थप केही पनि निर्णय गरिनसकेको बताउँदै उनले सिट संख्याको सन्दर्भमा जसपाले मधेशमा पहिला जितेको ठाउँ स्वभाविक रुपमा दाबी रहने बताए ।
बस्नेतले भने, “प्रदेश १ मा धनकुटा, सुनसरी, खोटाङ, मोरङ । लुम्बिनी प्रदेशको कपिलवस्तु, नवलपरासी, रुपन्देहीमा उम्मेदवारहरुले दाबी गरिरहनुभा छ । काठमाडौंमा शीर्ष नेता एवम् संघीय मामिला मन्त्री राजेन्द्र श्रेष्ठ, उहाँ आफै पनि उम्मेदवारका लागि तयार हुनुभएको छ ।”
जसपाले उम्मेदवार सिफारिस गरिरहको भन्दै उनले पार्टीको संसदीय बोर्डको बैठकले लगभग उम्मेदवार तय गर्ने र केन्द्रीय कार्यकारिणी समिति बैठकले त्यस उपर अन्तिम निर्णय गर्ने उनको भनाइ छ ।
“गठबन्धनले के निर्णय गर्छ, त्यो तिर लाग्दैनौं । पार्टीले निर्णय गर्छ, साथीहरु निर्वाचनमा होमिनुभाछ ।”
उनले आगामी निर्वाचन सन्दर्भमा घोषणापत्र तयार गर्ने काम पनि छिट्टै टुंगोमा पुग्ने बताए । मधेशको सवाल मुख्य रहेपनि राष्ट्रव्यापीरुपमा भएको शोषण, विभेदविरुद्ध संघीयता, सुशासन, समृद्धि र समाजवादको मुख्य उद्देश्यहरु घोषणापत्रमा समावेश गरिने उनको भनाइ छ ।
प्रतिक्रिया दिनुहोस्