काठमाडौं, ७ माघ । निर्वाचन आयोगले आगामी माघ २४ गते हुने राष्ट्रिय सभा निर्वाचनका लागि मतदाताको प्रारम्भिक नामावली प्रकाशन गरेको छ । प्रदेशसभा सदस्य समेत मतदाता रहेको निर्वाचनमा उनिहरुले सपथ लिई नसक्दै आयोगले नामावली सार्वजनिक गरेको हो । जसमा सपथ नलिएका तथा लिन नआएकाको नाम समेत प्रकासित छ ।
मतदाताको नामावली प्रदेशगत रुपमा निर्वाचन अधिकृतको कार्यालयबाट प्रकाशन गरिएको आयोगले जनाएको छ । सातै प्रदेशमा प्रकाशन भएको नामावलीप्रति दाबी विरोधका लागि आज साँझ ५ बजेसम्मको समय दिइएको छ ।
प्राप्त उजुरीमाथी छानविन गरी भोली साँझ ५ बजे मतदाताको अन्तिम नामावली प्रकाशन गरी माघ १० गते उम्मेदवारको मनोनयनपत्र दर्ता गर्ने, १५ गते उम्मेदवारलाई निर्वाचन चिह्न प्रदान गर्ने र माघ २४ गते बुधबार बिहान १० बजेदेखि अपरान्ह ३ बजेसम्म मतदान हुने गरी राष्ट्रिय सभा सदस्य निर्वाचन कार्यतालिका तयार पारेको छ । राष्ट्रिय सभा सदस्य निर्वाचनमा स्थानीय तहका प्रमुख र उपप्रमुख एवं प्रदेश सभाका सदस्य मतदाता रहने व्यवस्था छ ।
यस निर्वाचनमा स्थानीय तहका प्रमुख र उपप्रमुख गरी एक हजार ५ सय ६ जना तथा प्रदेशसभाका ५ सय ५० सदस्य गरी कुल २ हजार ५६ जना मतदाता छन् । प्रदेशसभा सदस्यको मतभार ४८ र स्थानीय हतका प्रमुख र उपप्रमुखको मतभार १८ रहेको छ । राष्ट्रिय सभा सदस्यका लागि ५६ जना निर्वाचित हुनेछन् ।
http://www.election.gov.np/election/np/voterlist-for-national-assembly-election-2074-159.html
प्रतिक्रिया दिनुहोस्