काठमाडौं, २४ साउन । आफूहरूको मागलाई बेवास्ता गरेको भन्दै स्थानीयबासीले सिसडोल(बञ्चरेडाँडामा काठमाडौंको फोहोर खन्याउन अवरोध गरेका छन् ।
गए राति बञ्चरेडाँडा सडकखण्डको आलेटार भन्ने ठाउँमा अज्ञात समूहले फोहोर बोकेका १४ गाडीमाथि तोडफोड गरेका हुन्।
काठमाडौं महानगरपालिका नगर प्रहरी नायव उपरीक्षक (डिएसपी) पूर्णचन्द्र भट्टले १४ वटा फोहोरका गाडी दुई वटा डोजर र एउटा स्काभेटर तोडफोड भएको बताए।
उनले भने, हिजो बिहानैदेखि स्थानीयले फोहोर फाल्न दिएका थिएनन्,प्रहरी सुरक्षामा फोहोर फालिएको थियो। बेलुका प्रहरीहरु नहुदा गाडी तोडफोड भएको हो। तोडफोड गर्ने समूह भने पत्ता लागेको छैन। खोजी गर्नका लागि सुरक्षा निकायलाई पत्राचार गरेका छौं।
विगत लामो समयदेखि सिस्डोलबासीले आफूहरूको माग पूरा नभएको भन्दै आन्दोलन गर्दै आएका थिए। यसअघि मानवबस्तीलाई फोहोरमैलाबाट अलग गर्ने सहमति कार्यान्वयन नगरिएको भन्दै बञ्चरेडाँडा ल्यान्डफिल साइट प्रभावित क्षेत्र सरोकार समितिले भदौ १ बाट फोहोर फ्याक्न नदिने चेतावनी दिएको थियो । सडक मर्मतलगायतका माग राख्दै धुनीबेँसी गाउँपालिका(१ का बासिन्दाले केही दिनयता फोहोर लैजान रोकेका थिए । स्थानीयको अवरोध हटाउन माग गर्दै महानगरले काठमाडौं प्रशासन र धादिङ प्रशासनलाई पत्राचारसमेत गरेको छ ।यसअघि महानगरसँग १८ बुँदे सम्झौता भएपछि केही समय फोहोर खन्याउन दिएपनि पुन स्थानीयले अवरोध गर्न थालेका छन् ।
प्रतिक्रिया दिनुहोस्