बुटवल, १ माघ  । नेकपा एमालेका उपमहासचिव एवं रुपन्देही क्षेत्र नम्बर ३ का प्रतिनिधिसभा सदस्य घनश्याम भुषालले सोमबार तिलोत्तमा व्यापार मेलाको अवलोकन गरेका छन ।

तिलोत्तमा ९ का स्थायी बासिन्दा समेत रहेका नेता भुषालले गृहनगरमा आयोजित मेलाको सोमबार अवलोकन गरेका हुन । पूर्व मन्त्री भुषाललाई मेला आयोजक मुल समितिका संयोजक झबिन्द्र प्रसाद कंडेल, तिलोत्तमा व्यापार संघका प्रथप उपाध्यक्ष बाबुलाल भुषाल, द्धितिय उपाध्यक्ष रामचन्द्र पाण्डेय, महासचिव बिष्णु बराल, कोषाध्यक्ष नेत्रप्रसाद न्यौपाने, सचिव हरिप्रसाद उपाध्याय लगायतले स्वागत गरेका थिए ।

त्यस अवसरमा नेता भुषालले मेला स्थलमा निर्माण गरिएको कालिगण्डकी तिनाउ डाइभर्सन परियोजनाको नमुना अवलोकन गरेका थिए । सो अवसरमा संयोजक कंडेलले परियोजना कार्यान्वयनका लागी आग्रह गरेका थिए ।

जवाफमा उपमहासचिव भुषालले परियोजना कार्यान्वयनका लागी गम्भिर रहेको भन्दै आवश्यक पहल गर्ने प्रतिबद्धता व्यक्त गरे । उनले परियोजनाको नमुनाले राजनितिक दल र नेताहरुलाई नैतिक दबाब श्रृजना गरेको उल्लेख गरे । मेलामा सबै प्रकारका उत्पादन सहित कुल ३ सय २५ स्टल रहेकाछन् ।
मेलामा माघी रौनक:
तिलोत्तमा व्यापार मेलामा सोमबार माघीको रौनक छाएको छ । आयोजकले थारु समुदायको महान पर्व माघीलाई लक्षितगरि सोमबार थारु संस्कृति झल्कने प्रस्तुतीलाई प्राथमिकता दिएको थियो ।

मेलामा थारु समुदायमा प्रख्यात लठ्ठी नाच र मयुर नांचले माहोल तताएको थियो भने स्थानिय कलाकाहरुको सांस्कृतिक झांकीले सबै दर्शकको ध्यान तानेको थियो ।

मेला आयोजक मुल समितिका संयोजक झबिन्द्र प्रसाद कंडेलले सबै संस्कृतिप्रति उत्तिकै सदभाव रहेको भन्दै माघी पर्वको अवसर पारेर मेलामा थारु संस्कृतिक प्रस्तुत गरिएको जनाए । मेलामा सोमबार २७ हजार दर्शकले अबलोकन गरेको र ३ करोड १५ लाख बराबरको कारोबार भएको संयोजक कंडेलले जानकारी दिएका छन् ।