काठमाडौं, ३ जेठ । प्रमुख प्रतिपक्षी नेकपा एमालेले प्रधानमन्त्री शेरबहादुर देउवालाई निद्राबाट ब्यूँतिन आग्रह गरेको छ। मंगलबार बसेको प्रतिनिधिसभाको बैठकमा समय लिएर बोल्दै एमाले सांसद प्रदीपकुमार ज्ञवालीले यस्तो बताएका हुन्। उनले स्थानीय तह निर्वाचन सार्न अनेक बहानाबाजी र सेटिङको प्रयास भएको पनि बताए। ुयो बीचमा अनेक सेटिङ भए। निर्वाचन सार्न संविधानका छिद्र देखाएर बहानाबाजी गरिएनु, उनले भने, ुतर यसबीचमा हाम्रो विरोध जारी थियो। सत्तारुढ दलहरु निर्वाचन सार्न चाहिरहेका थिए। एमालेको निरन्तर विरोध र दबाबले निर्वाचन भएको छ।
उनले एकीकृत समाजवादीतिर लक्षित गर्दै अदालतले कारबाही नगरे पनि जनताले मत नदिएर उचित फैसला गरेको बताएका छन्। सेटिङमा चलेको अदालतले कारबाही नगरे पनि जनताले उचित फैसला गरेका छन्, उनले भनेका छन्, ुजनताको फैसलालाई समेत शिरोधार्य गर्दै हाम्रा मान्यता यथावत छन्।ज्ञवालीले जस्केलाबाट अध्यादेश ल्याएर एमाले फुटाइएको भन्दै चोर बाटोबाटै त्यसलाई फिर्ता लिने काम भएको पनि उनले बताएका छन्।
सभामुख पनि त्यसमा जोडिने काम भएको छ। अदालत यस मामिलामा सहयोग बन्ने काम भएको छु, उनले भने, अब संसदमा हामीले आजदेखि फरक ढंगले विरोधलाई अघि बढाउने भएका छौँ। देश आर्थिक संकटमा छ। यो विषयमा सदनमा बहस हुनुपर्ने विषयले हामीलाई तानेको छ।उनले देशको अर्थतन्त्रका सबै सूचकमा रातो बत्ती बलेको भन्दै प्रधानमन्त्री शेरबहादुर देउवालाई निद्राबाट ब्यूँतन भनेका छन्।
तर उहाँहरुलाई यो कुराले छुँदैन पनि होला। अर्थतन्त्र अत्यन्तै संकटमा छ। सरकार भने राष्ट्र बैंकका गभर्नरदेखि संवैधानिक निकाय र अन्य सरकारी अंगमा हस्तक्षेप बढाउन लागेको छु, उनले भने, संकट चुलिँदै गर्दा अब त प्रधानमन्त्री ब्यूँझिनुस्, अर्थमन्त्री पनि ब्यूँझिनुस्। ु
प्रतिक्रिया दिनुहोस्