दाङ । दाङको तुलसीपुरमा मजदुरहरुको निधन भएको शोकमा एक दिन वजार बन्द गर्ने निर्णय गरिएको छ । आगलागीमा परेर एकै दिन पाँच जना मजदुरको निधन भएको थियो । जिल्लालाई ठूलो शोक परेको भन्दै एक दिन बजार बन्द गर्ने निर्णय भएके हो । ५ जनाको ज्यान जाने गरी भएको आगलागीको घटनामा मृतकको शोकमा तुल्सीपुरमा एकदिन बजार बन्द गरिने भएको तुल्सीपुर उद्योग वाणिज्य संघले जनाएको छ ।

उद्योग बाणिज्य संघको आग्रहमा मृत्यु भएका पाँच जना मजदुरको शोकमा तुल्सीपुर बजार बन्द गर्न लागिएको हो ।
दाङ तुलसीपुरस्थित चप्पल गोदाममा भएको आगलागीमा परी ज्यान गुमाएका पा“चै जनाको पहिचान खुलेको छ । गएराति दुई बजेदेखि सुरु भएको आगलागीमा परी पा“च जनाको मृत्यु भएको थियो । इलाका प्रहरी कार्यालय तुलसीपुरका प्रहरी प्रमुख श्याम अर्यालका अनुसार मृतकमध्ये चार पुरुष र एक महिला रहेका छन् । ती मध्ये चार जना बालबालिका रहेका छन् । आगलागीमा परी तुलसीपुर उपमहानगरपालिका–५ बस्ने १३ वर्षिय सजिता खातुन, १४ वर्षका हसन बकस, १५ वर्षका मसिन बकस, पा“च वर्षीय अबिददिन अलि र ४० वर्षिय नजरदिन अलि रहेको प्रहरीले जनाएको छ ।

आगलागीको कारण भने अझै खुल्न सकेको छैन । आगलागी नियन्त्रणमा आए पनि क्षतिको विवरण भने अझै आएको छैन । पा“चै जनाको शबलाई राप्ती प्रादेशिक अस्पतालको शब घरमा लगिएको छ । तुलसीपुर घोराही उपमहानगरपालिकाका दमकल, सेना, प्रहरी, स्थानीयवासीले आगो नियन्त्रणमा ल्याएका हुन् । आगलागीको कारण भने अझै आएको छैन ।