रूपन्देही  । नेपाल कम्युनिस्ट पार्टी एकीकृत समाजवादी, देवदहले घरदैलो कार्यक्रम सञ्चालन गरेको छ । बिहीवार एक कार्यक्रमबीच समाजवादी  पार्टीका प्रदेश कमिटी सदस्य निलकण्ठ पौडेलले घरदैलो कार्यक्रमको उद्धाटन गरेका छन् ।

घरदैलो कार्यक्रम नेपाल कम्युनिस्ट पार्टी एकीकृत समाजवादी लुम्बिनी प्रदेशको निर्देशनमा  पार्टीको नीति कार्यक्रमबारे आम नगरवासीलाई जानकारी दिइने र संगठन विस्तारको काम पनि सँगै जोडेर लगिने  पार्टीका नगर अध्यक्ष टंक पोखरेलले बताए । उनका  अनुसार समाजमा घटने बिबेद, अन्धविश्वास जस्ता कु  प्रथाको  अन्त्यका लागि जानकारी मुलक स्टिकर हरेक  घर घरमा टासिएको छ ।

एबीसी सँग कुरा गर्दै पोखरेलले भने, “यो ३ महिना सम्म चल्ने कार्यक्रम हो  घरदैलो कार्यक्रम जनतासँग जोडिने कार्यक्रम हो, यसले देवदहवासीहरूका समस्याको सङ्कलनसँगै पार्टीको विचार प्रवाहमा पनि मद्दत पुर्याउने विश्वास लिएका छौँ ।”

बिहीबार देखि सुरु  भएको अभियानको क्रममा देवदहका १५ हजार घरसम्मै पुग्ने सो पार्टीले जनाएको छ । अभियानमा जिल्लास्तरीय र नगरस्तरीय गरि ७५ जना कार्यकर्ता दिनहुँ जोडिने अध्यक्ष पोखरेलले बताए ।