काठमाडौं । नेपाली कांग्रेसको १४ औं महाधिवेशनअन्तर्गत ५३ जिल्लाको परिणाम घोषणा भएको छ । हालसम्मको मत परिणामअनुसार संस्थापन शेरबहादुर देउवा पक्ष ५३ मध्ये २८ जिल्ला सभापति आफ्नो पोल्टामा पार्न सफल भएको छ । संस्थापन इतर पक्षले भने २४ जिल्ला सभापतिमा जित निकालेको छ । झापामा भने कृष्ण सिटौला पक्षका उम्मेदवारले बाजी मारेका छन् । कांग्रेसको केन्द्रीय निर्वाचन समितिका अनुसार ७७ मध्ये ५३ जिल्लामा नया“ नेतृत्व चयन भइसकेको हो । केही जिल्लामा भने सर्वसम्मत रूपमा नेतृत्व चयन गरिएको छ । मतपरिणामअनुसार ओखलढुंगा, पर्वत, रुकुम पश्चिम, इलाम, रुपन्देहीमा पनि संस्थापन समूहबाटै सभापति निर्वाचित बनेका छन् ।
यस्तै कञ्चनपुर, ललितपुरमा देउवा पक्षका विजयी भएका छन् । ललितपुरमा पनि देउवा समूहकै जितेन्द्रकुमार श्रेष्ठ विजयी भए । सल्यानमा, डडेल्धुरा, जुम्ला, जाजरकोट, पा“चथर, लमजुङ डोटीमासंस्थापन समूहबाट सभापति निर्वाचित भएका छन्। यस्तै ताप्लेजुङ, रामेछापमा मुगु बझाङ, म्याग्दी, मनाङ, कास्की, सुर्खेत तनहु“, काभ्रेमा पनि संस्थापन समूहबाटै जिल्ला सभापति चयन भएका छन् । यता नुवाकोट, उदयपुरमा संस्थापन पक्षकै जितनजिक छन्। स्याङ्जामा सभापतिमा निर्वाचित भएका पनि संस्थापननिकट रहेको जनाइएको छ । यस्तै संस्थापन इतर रामचन्द्र पौडेल समूहबाट रोल्पा, खोटाङ, पश्चिम नवलपरासीमा इतर समूहबाटै जिल्ला सभापति चुनिएका छन् ।
यस्तै पाल्पा, दैलेख, संखुवासभा, कालीकोट, दोलखा, मुस्ताङ, रुकुम पूर्व, गोरखा, बाजुरामा पनि पौडेल समूहबाटै जिल्ला सभापति बनेका छन्। यसैगरी अर्घाखाँचीमा, बैतडीमा, भोजपुरमा, तेह्रथुममा, सुनसरीमा धादिङमा र गुल्मीमा दैलेखमा मणिराम रेग्मी पनि इतर समूहबाटै जिल्ला सभापति विजयी भए । काठमाडौंमा रामचन्द्र, प्रकाशमान र गगन थापा गठबन्धनकाल जित निकालेका छन् । दार्चुला र दाङमा पनि संस्थापन इतर समूहबाटै जिल्ला सभापति चयन भए । उता झापामा सिटौला पक्षका निर्वाचित भएका छन् । अन्य केही जिल्लामा समेत नेतृत्व चयनको प्रक्रिया जारी छ ।
प्रतिक्रिया दिनुहोस्