काठमाडौं । पाँच महिना लामो एकता प्रयासको विफलता पछि आजबाट नेकपा एमाले औपचारिक रुपमा विभाजित भएको छ ।सरकारले ल्याएको संसदीय दल वा केन्द्रीय समितिको २० प्रतिशत पु¥याएर दल विभाजन गर्न सकिने गरी राजनीतिक दलसम्बन्धी अध्यादेश राष्ट्रपतिबाट प्रमाणीकरण भएलगत्तै एमाले वरिष्ठ नेता माधवकुमार नेपाल समूहले बुधवार नयाँ दल दर्ताका लागि सक्रिय भएको हो ।
नेपाल समूहले दलको नाम नेकपा एमाले समाजवादी राखेर दल दर्ताका लागि आयोगमा निवेदन दिएको हो । निवेदनमा पार्टीको चुनाव चिह्न खुला किताब प्रस्ताव गरिएको छ । दल दर्ता गर्न दिइएको निवेदनमा संयोजकमा माधव कुमार नेपाल र अरु सबै केन्द्रीय सदस्य राखिएको छ । नेपाल समूहको केन्द्रीय सदस्य र सांसदहरुको बुधबारनै बसेको बैठकले पार्टीको नाम र चुनाव चिह्नको टुंगो लगाएको थियो।
प्रतिक्रिया दिनुहोस्