टोकियो, १६ साउन ।। गैरआवासीय नेपाली संघ जापान (एनआरएनए) को सन् २०२१-२३ का लागी ४ जनालाई पछि पार्दै शिव प्रसाद पौडेल अध्यक्षमा विजयी हुनुभएको छ । शुक्रबार अनलाईन भोटिङ प्रणालीबाट भएको निर्वाचनमा अध्यक्षका प्रत्यासी पौडेलले ३ हजार ३८ मत प्राप्त गरि निटतम प्रतिष्पर्धी अनिता गुरुङ लामालाई हराउदै अध्यक्षमा जीत हासिल गर्नुभएको हो । पौडेलले खसेको कुल मतको ४० प्रतिशतभन्दा बढि मत प्राप्त गर्दा गुरुङले १ हजार ८ सय ६९ मत प्राप्त गर्नुभएको छ ।

पाँच जना प्रतिष्पर्धी रहेको अध्यक्ष पदमा नरेन्द्र कुमार बस्नेतले १ हजार २ सय ६९, किरण बर्माले १ हजार २ सय ४५ र सरोजकुमार खत्रीले १ सय ९१ मत प्राप्त गरेका छन् । निर्वाचन परिणाम अनुसार विजय हुनेहरुमा वरिष्ठ उपाध्यक्षमा नबिन निउरे, उपाध्यक्षहरुमा महेश कुमार कटुवाल, राम थापा अनिल, राजकुमार अधिकारी र राम कृष्ण श्रेष्ठ, महिला उपाध्यक्षमा संगिता अधिकारी सुवेदी, महासचिवमा सिद्धार्थ श्रेष्ठ, कोषाध्यक्षमा कृष्ण गैरे शर्मा, युवा संयोजकमा राकेश रुम्बा, त्यस्तै सदस्यहरुमा चन्द्र कुमारी केसी, प्रकाश लामिछाने, राजु भण्डारी सुनिल, लक्ष्मी केसी महर्जन, मोहन सिंह मडै, भिमसेन राय ९भीम रायमाझी० र दिलिप कँडेल हुनुहुन्छ। यसैगरी सचिवमा श्याम शितल, देवराज उप्रेती, महिला सचिबमा एलिजा भण्डारी, सह-कोषाध्यक्षमा दीपक सुनार र महिला संयोजकमा अन्जु भण्डारी भने यस अघिनै निर्विरोध निर्वाचित हुनुभएको थियो। आईसिसि सदस्यहरुमा श्रवण कुमार सत्याल, रोबिन प्रसाद शेरचन, सुपेन्द्र घिसिङ, नर बहादुर थापा, लक्ष्मण बानियाँ र दीपक कार्की निर्वाचित हुनुभएको छ ।