रौतहट, ३ असार । पछिल्लो समय रौतहटको वनमा चोरी तस्करी बढ्दै जानथालेको छ । निषेधाज्ञा तथा बन्दाबन्दीको मौका छोपी रौतहटको वनमा तस्करी बढेको स्थानियको भनाई रहेको छ ।

बिहिबार बिहान जंगलबाट अबैध रुपमा तस्करी गरेर ल्याउदै गरेको अवस्थामा वन कर्मचारी तथा जंगलसहिया साझेदारी वनको संयुक्त गस्ती टोलीले २ थान सालको गोलिया सहित टायर गाडा पक्राउ गरेको छ । जंगलसहिया सव-डिभिजन वन कार्यालयका अधिकृत रामदेव चौधरीको नेतृत्वमा गएको गस्ती टोलीले फतुवा विजयपुर नगरपालिका अन्तर्गत पर्ने गर्जाको पानी ट्यान्की नजिकबाट सालको गोलिया सहित टायर(गाडा पक्राउ गरेको हो ।

बिहीबार बिहानको समयमा गस्तीमा निस्केको वन गस्ती टोलीलाई देखेर काठ तस्करहरुले काठ सहितको टायर(गाडा छोडेर गोरु लिई फरार भएको जंगलसहिया साझेदारी वनका कमाण्डर रविन्द्र यादवले बताउनुभ्यो । पक्राउ गरेको उक्त सालको काठ जंगलसहिया सव(डिभिजन वन कार्यालयमा राखेको वन अधिकृत चौधरीले जानकारी दिनुभयो । यसैबीच बुधबार राती वन गस्ति टोलीले अबैध काठ बरामद गरेको छ । राती साडे एक बजेको समयमा बृन्दाबन साझेदारी वन क्षेत्रबाट २ थान सालको गोलिया ११।०६ क्युफिट काठ बरामद गरेको डिभिजन वन कार्यलय रौतहटका प्रमुख अमरदेव यादवले जानकारी दिनुभयो ।

बागमती नदिको बगरै बगर सर्लाही जिल्ला तर्फ लाने क्रममा बृन्दाबन सब–डिभिजन वन कार्यालयका जमदार सोभिलाल चौधरीको कमाण्डमा गएको नियमित गस्ती टोलिले विशेष सुचना पाई घेरा हाली पक्राउ गर्न खोज्दा काठ तस्करहरु भाग्न सफल भएको यादवले जानकारी दिनुभयो। काठ तस्कर साईकल र काठ घटनास्थलमै छाडी भागेको ,काठ र साईकल बरामद गरि बलरी पोष्टमा घाटगद्दी गरिएको छ ।