काठमाडौ, २३ जेठ । महिला बालबालिका तथा ज्येष्ठ नागरिक मन्त्री चन्दा चौधरीले पदभार ग्रहण गर्नु भएको छ ।

आइतवार वहाँले सिंहदरवारमा पद भार ग्रहण गर्नु भएको हो । पदभार ग्रहण गर्दै मन्त्री चौधरीले सामाजमा रहेका विभिन्न कुरीति अन्त्यका लागि पंचवर्षिय रणनीतिक कार्ययोजना मन्त्रीपरिषदमा पठाउने फाइलमा सदर गरी कार्य प्रारम्भ गर्नु भएको छ । सो अवसरमा सन्चारकर्मी सँग कुराकानी गर्दै उहाँले समाजमा देखिएको कुरीति विरुद्धमा लागि पर्ने बताउनु भयो ।उहाँले भन्नु भयो, म भर्खरै आएको छु, मन्त्रालय अन्तर्गत नीतिगत कार्ययोजना कार्यान्वयनका लागि प्राथमिकताका साथ के के गर्न सकिन्छ त्यसको बारेमा विस्तृत काम गर्ने योजनामा छु ।

संविधानमा महिला, बालबालिका तथा ज्येष्ठ नागरिकको लागि उल्लेखित हक अधिकारको स्पष्ट व्यवस्था गरकोले सोही अनुसार कार्यान्वयन गर्नुमा जोड दिनु भयो ।उहाँले महिला विरुद्धको सबै हिंसाको अन्त्यका लागि तीनै तहमा तदारुकताका साथ काम गर्नु पर्नेमा विशेष जोड दिनु भयो ।

साथै मन्त्री चौधरीले मर्यादित महिनाबारी प्रर्वद्धन सम्बन्धी निर्देशिका २०७८ स्वीकृतीका लागि मन्त्री परिषदमा पेश गर्ने निर्णय गर्नु भयो । सो अवसरमा मन्त्रालयद्धारा आयोजित निवर्तमान मन्त्रीको विदाई तथा नवनियुक्त मन्त्रीहरुको स्वागत कार्यक्रममा नव नियुक्त मन्त्री चौधरीले मन्त्रालयका कर्मचारीहरुलाई निर्देशन दिदैं नियम कानुन अनुसार हुने काममा ढिला सुस्ती नगर्न आग्रह गर्नु भयो । उहाँले काम गर्दा कुनै पनि समस्या भए कामको बाँडफाँड गरेर कुनै पनि योजना एउटै जिल्लामा दोहोरिनु नहुने सल्लाह दिनु भयो ।