काठमाडौं, २८ बैशाख । कोरोना सङ्क्रणबाट उदयपुरमा एक जना कार्यालय प्रमुख सहित तीन जनाको मङ्गलबार मृत्यु भएको छ । उदयपुरका प्रमुख जिल्ला अधिकारी तुलसीराम सेडाइका अनुसार सिरहाको लहान बजारमा घर भएका ३४ वर्षिय ती कार्यालय प्रमुख यहि वैशाखको पहिलो साता कार्यालयबाटै कोरोना भाइरसबाट सङ्क्रमित भएपछि उपचारका लागि काठमाडौंको टिचिङ्ग अस्पतालमा भर्नाहुनु भएकोमा उपचारकै क्रममा उहाँको सोमवार राती मृत्यु भएको हो ।

दुईवर्ष पहिले मात्रे वैवाहिक जीवन शुरु गर्नुभएको उहाँको यहि वैशाख १३ गते पहिलो सन्तानको रुपमा छोरा जन्मिएको सो कार्यालयका एक कर्मचारीले बताउनुभयो । त्यसैगरी कोरोनाबाट सङ्क्रमित भएका त्रियुगा नगरपालिका वडा नं ८ का ५४ बर्षिय पुरुषको विराटनगरस्थित नोवेल अस्पतालमा मृत्यु भएको छ ।

ज्वरो र रुघाखोकी लागेपछि उपचारका लागि बैशाख २३ गते अस्पताल भर्नाहुनु भएका उहाँलाई कोरोना परीक्षण गर्दा पोजेटिभ देखिएपछि वार्डमा भर्ना गरी उपचार गरिएको नोवेल अस्पताल विराटनगरका प्रबन्धक नारायण दाहालले बताउनुभयो । उहाँकोे मङ्गलबार बिहान बिहान सवा ५ वजेको समयमा मृत्यु भएको प्रवन्धक दाहालले बताउनुभयो ।

त्यसैगरी विराटनगरस्थित कोसी अञ्चल अस्पताल कोभिड फोकलपर्सन वैजनाथ साहका अनुसार उदयपुरको त्रियुगा नगरपालिका वडा नं ५ की ५० बर्षिया महिलाको उपचारको क्रममा मृत्यु भएको छ । कोरोना पोजेटिभ भएको र श्वासप्रश्वासमा समस्या देखिएपछि वैशाख २६ गते उपचारका लागि कोभिड अस्पतालमा भर्ना गरिएकोमा उपचारकै क्रममा मङ्गलबार बिहान १ः३० बजे निजको मृत्यु भएकोउहाँले बताउनुभयो ।
यो सँगै उदयपुरमा कोरोना भाइरसको सङ्क्रमणबाट मृत्यु हुनेको सङ्ख्या सात पुगेको छ । सोमवारसम्म उदयपुर जिल्लामा कोरोना भाइरसको संक्रमितको संख्या दुईसय ३९ पुगेको छ । त्यसमध्ये पुरुष एकसय ३५ र महिला एकसय