काठमाडौं, १० पुस । पछिल्लो समयमा बझाङ जिल्लाको विभिन्न ग्रामिण क्षेत्रहरुमा उत्पादीत आलुको माग बढ्दै गएको छ । रसायनिक मल र विषदिको कुनै प्रयोग नगरि शुद्ध अर्गा्निक पद्धति बाट आलु उब्जाउने गरेकाले आलुको स्वाद मिठो र छिटो पाक्ने गरेका कारण स्थानिय स्तरमा उत्पादित आलुको माग बढदै गएको हो ।

जिल्लाका विभिन्न ग्रामिण क्षेत्रहरुमा स्थानिय स्थरामा किसानहरुले उत्पादन गर्ने गर्दछन । जिल्लाको मुख्य व्यापारिक केन्द्र चैनपुर,बुङगल, विजगडा, वित्थड,बागथला, झोता, भाँडे बजार, देउरा, लगायत सदरमुकाम मा स्थानिय आलुको माग बढदै गएको छ । अहिले स्थानिय आलुको मुल्य प्रति किलो २५ देखि ३० रुपयाँ सम्म गाँउघरमै पर्ने गरेको छ भने बजारमा यसको मुल्य ३५ देखि ४० प्रति किलोमा पाईने गरेको छ । गोठेमलको प्रयोगले आलुलाई स्वादिष्ट बनाउने हुदा ग्रामिण क्षेत्रमा उत्पादित हुने आलुको माग बढदै गएको छ स्थानिय बासी र ब्यापारी बताउछन ।