काठमाडौं, ६ पुस । आयात प्रतिस्थापन गर्ने उदेश्यका साथ विशाल ग्रुप्सले भारतको युचर ग्रुप्ससँगको साझेदारीमा ५० करोडको लगानीमा टायर उधोग सञ्चालनमा ल्याएको छ । मोरङको कटहरीमा तीन बिघा क्षेत्रफलमा फैलिएको उक्त उधोगबाट तीन सातापछि टायरको व्यावसायिक उत्पादन शुरु गरिने बताइएको छ ।

उद्योगबाट सुरुमा ट्र्याक्टर, मोटरसाइकल, स्कुटी र ई–रिक्साका गरी चार प्रकारका टायर उत्पादन गरिनेछ । सो उद्योगले तत्काल वार्षिक दुई लाख थान टायर उत्पादन गर्ने लक्ष्य लिएको छ । पहिलो चरणमा डेल्टा ब्राण्डका टायर बजारमा ल्याइनेछ । ट्रक, बस, जिप, लरी, ट्र्याक्टरको सबै प्रकारका टायरको वार्षिक २० लाख थान उत्पादन गर्ने लक्ष्य राखेको उधोगका कर्मचारी विनोद सिंघानियाले बताउनुभयो । उद्योगमा पाँच वर्ष्भित्रै लगानी विस्तार गरेर रु दुई अर्ब ५० करोड पु¥याउने उहाँको भनाइ छ । विशाल समूहका निर्देशक अनुज अग्रवालले आयात प्रतिस्थापन गर्ने उद्देश्यका साथ उद्योग स्थापना गरिएको बताउनुभयो । सो टायर उद्योगले कच्चापदार्थ भारतबाट आयात गरिरहेको छ ।