काठमाडौ, १ फागुन ।  कोरोना महामारीका कारण बन्द रहेका स्याङ्जाका होमस्टेहरु करिब एक वर्षपछि सञ्चालनमा आएका छन् । संक्रमणको दरमा विस्तारै कमी आउ“दै जान थालेपछि स्याङ्जाका ४९ वटा होमस्टे एकसाथ सञ्चालनमा आएका हुन् ।

नेपाल पर्यटन वोर्ड गण्डकी प्रदेशको सहयोग र डिडिआसी स्याङ्जाको आयोजनामा नेपालकै पहिलो ग्रामीण पर्यटकीय क्षेत्र सिरुवारी होमस्टेबाट जिल्लाभरका होमस्टे शुरु भएको सन्देश दिइएको छ । त्यस अबसरमा आँधिखोला गाउँपालिका वडा नं. १ का वडाध्यक्ष लोकप्रसाद ढकालले कोरोना महामारीका कारण वन्द रहेका स्याङ्जा ४९ वटै होमस्टे एकैसाथ संचालनमा ल्याइएको घोषणा गर्नुभएको थियो ।

जिल्लाभरका होमस्टे संचालनमा आएसंगै नेपालको पहिलो ग्रामीण पर्यटकीय क्षेत्र सिरुवारीमा रहेको सिरुवारी होमस्टे पनि संचालनमा आएको छ । सिरुवारी होमस्टेमा पाहुनाहरु गाउँमा आउँदा स्थानीय आमासमुह र युवाक्लवबाट गाउँ नजीकैको बाटोदेखि नै पन्चेबाजा, फूलमाला र स्वागत सत्कार गरिएको थियो । सिरुवारी होमस्टेमा घरघरमा पाहुना वाडफाड गरि वसाउने गरिन्छ । यो होमस्टेमा गुरुङ समुदायको संस्कृती झल्कने भेषभुषा र रहनसहन तथा खानपानमा पाहुनाले मनोरन्जन लिन सक्नेछन् । सिरुवारी होमस्टेले गुरुङ संस्कारलाई पर्यटनसंग जोडन खोजीएको सिरुवारी होमस्टेका संयोजक जुम बहादुर गुरुङले वताउनु भयो ।

२०५४ सालमा नेपालकै पहिलो ग्रामीण पर्यटकीय क्षेत्र सिरुवारीमा होमस्टे संचालनमा आएको हो । १ हजार ६१० मिटर उचाइमा रहेको यो होमस्टे स्थापनाकालमा ४३ घरवाट संचालन गरिए पनि अहिले २३ घरमा सीमित छ । होमस्टेमा एकरातमा ६० जनासम्म पाहुन राख्न सक्ने गरि ब्यवस्थापन गरिएको छ । महामारीका कम भएका कारण होमस्टे खोल्न लागिएको वताउदै आमासमुह र युवाक्लव सवै मिलेर अझ राम्रो गरि संचालनमा ल्याउने तयारी गरिएकोसंचालकको भनाई छ ।
कोरोनाका कारण संचालनमा नआउँदा घाटामा रहेका होमस्टे संचालनमा आएसंगै यहाका संचालकहरु खुसी भएका छन् । कोभिडका कारण ११ महिना देखी होमस्टेहरु वन्द हुदा संचालकहरु मारमा परेका थिए । होमस्टे संचालनमा नआउदा अन्य आय स्रोत नहुनेलाई घर ब्यवहार चलाउन गाह्रो भएको वताउदै र अब होमस्टे संचालनमा आएसंगै खुसी लागेको माया गुरुङको भनाइ छ ।

कोरोना महामारीले ठप्प भएको पर्यटन ब्यवसाय विस्तारै उठन थालेको छ । स्याङ्जामा संचालन भएका होमस्टेहरुमा विविधता छ । यहाका होमस्टेहरुमा आत्मीयता र सरसफाई, कृषी, प्याराग्लाइडीङ, क्यानोनीङ र स्टीमर लगायतका विविधतासँग जोडेर संचालनमा ल्याइएको होमस्टे संघ स्याङजाका अध्यक्ष मोहन खनालको भनाइ छ ।

स्याङ्जामा अधिकांश होमस्टे गुरुङ र मगर समुदायबाट संचालित छन् । स्वर्गीय क्याप्टेन रुद्रमान गुरुङको पहलमा शुरु गरिएको होमस्टे अहिले देशभरका घरवास कार्यक्रमको अभिभावक वन्न पुगेको छ । नेपालका ग्रामीण भेगमा संचालनमा आएका यस्ता होमस्टेहरुले ग्रामीण क्षेत्रको वसाइसराइ केही हदसम्म कम हुने देखिन्छ ।