काठमाडौं, ७ पुस । नेपाल कम्युनिष्ट पार्टी पुष्पकमल दाहाल प्रचण्ड–माधवकुमार नेपाल खेमाका अध्यक्ष प्रचण्डले प्रधानमन्त्री केपी शर्मा ओली खेमाको नेकपास“ग तत्काल पार्टी एकता हुने स्थिती नभएको बताउनुभएको छ । ओली र प्रचण्ड–नेपाल दुवै खेमाका नेकपा वैधानिक रुपमा फुट नभइसकेको अवस्थामै अध्यक्ष प्रचण्डले भोलीको दिनमा पार्टी एकताको सम्भावना रहला या नरहला तर तत्काल भने पार्टी एकताको सम्भावना नरहेको दाबी गर्नुभयो ।

बुधबार काठमाडौंमा आयोजित प्रचण्ड–नेपाल समूहको सम्पादक एवम् बुद्धिजिवीहरुको एक भेलामा अध्यक्ष प्रचण्डले प्रधानमन्त्री ओलीले गर्नुभएको संसद विघटनको निर्णय असंवैधानिक भएको भन्ने कुरा प्रचण्ड–नेपाल पक्षले भनेर मात्रै पत्रकार, नागरिक समाज र बुद्धिजिवी वर्गहरु विरोधमा नउत्रेको भन्ने प्रष्ट पार्नुभयो । उहाले बहुदलीय प्रतिस्पर्धात्मक प्रणालीमा निर्वाचनलाई कहिल्यै पनि अस्विकार्य नहुने तर निर्वाचनले मात्रै संविधान माथीको प्रहारको क्षतिपूर्ति तिर्न नसक्ने भन्दै चिन्ता व्यक्त गर्नुभयो । संसद विघटनसगै देशमा उत्पन्न भएको राजनीतिक संकटको समाधान गर्न सबैले एकआपसमा हातेमालो गर्नुपर्ने उहाको भनाई छ ।

शाकाहारी आन्दोलन अपर्याप्त भएको भन्ने आफ्नो भनाईलाई स्पष्ट पार्दै नेकपा अध्यक्ष प्रचण्डले लोकतन्त्रमाथी यति छिट्टै प्रहार हुदा आफूहरु कहिलेकाहीं आवेग र आक्रोशमा आउने गरेको समेत बताउनुभएको छ । त्यसो त, शान्त भएर मात्रै संसद पुर्नस्थापना नहुने भन्दै संसद विघटनविरुद्धको आवाज आवेगपूर्ण हुनुपर्नेमा प्रचण्डले जोड दिदै आउनुभएको छ ।

प्रचण्ड–नेपाल खेमाका अर्का अध्यक्ष माधवकुमार नेपालले पनि नेकपाको झगडा केबल कुर्सीका लाागि मात्रै नभएको भन्ने कुरा थप स्पष्ट पार्दै लानुपर्नेमा जोड दिनुभएको छ । नेपालले सबै राजनीतिक दल र नेताहरुलाई पत्रकार, बुद्धिजिवी एवम् नागरिक समाजका अगुवाहरुले सबै उस्तै–उस्तै हुन् भन्दा आफूलाई चित्त दुख्ने गरेको बताउनुभयो । उहाले समाजमा असल मान्छे पनि छ भन्ने कुराको प्रमाणित गर्नुपर्नेमा जोड दिनुभयो ।

प्रचण्ड–नेपाल समूहको पत्रकारहरुसगको उक्त अन्तरक्रियामा आगामी रणनीति, जनविश्वास एवम् प्रतिबद्धताका लागि श्वेत पत्र प्रकाशित गरिने निष्कर्श निकालिएको छ । यसका साथै देशमा घटिरहेका तत्काल विषयवस्तु र पार्टीका नियमित कार्यक्रमहरु थप प्रभावकारी बनाउदै लाने प्रचण्ड–नेपाल समूहले जनाएको छ । भेलामा प्रवक्ता नारायणकाजी श्रेष्ठ, योगेश भट्टराई, किर्तिनिधि विष्ट लगायतका नेताहरुको उपस्थिती रहेको थियो ।