Accuracy, Balance & Credibility

जग्गाको बिवादले मिन्त्रा देवीको हत्या भएको खुलासा

abc

रौतहट, १३ असोज । रौतहटमा गत भदौ १४ गते हत्या भएका एक महिलाको लेनदेनका कारण हत्या भएको खुल्न आएको छ । जिल्लाको गढीमाई नगरपालिका वडा नं। ३ मुसहरी टोलका स्थानिय सकल बैठकी श्रीमती मिन्त्रा देवी बैठाको लेनदेनकै कारण हत्या भएको प्रहरीले जानकारी दिएको हो ।

बिहान घाँस काटन खेतमा गएकी मिन्त्रा देवी साँझसम्म घर नफर्केपछि घरपरिवारका सदस्यले खोजतलास गर्दा बेलुकी स्थानीय समिउल्ला कवारीको उखुघारीमा उनको शव फेला परेको थियो । बैठाको लेनदेनका कारण हत्या भएको रिपोर्ट प्रहरीले सार्वजनिक गरेको छ । अनुसन्धानबाट सोही ठाँउका जमसैद आलमका बुवा स्व।अनवर हुसैनले लिएको ऋण चुक्ता गर्न नसक्दा सो घटना भएको पाइएको प्रहरीले जनाएका छन् । जग्गाका विषयमा विवाद चल्दा मृतक मिन्त्रादेवीका श्रीमान सकल बैठाले जमसैद आलमलाई कुटपिट समेत गरेका थिए । सोही जग्गाको बिवादमा जमसैद आलमले बैठालाई प्रतिवादी लिखित बदरको मुद्दा हालेका थिए ।

जिल्ला अदालतले उक्त मुद्दामा बैठाको पक्षमा फैसला गरेपछि आलमले बैठालाई जग्गा छोडन पटक–पटक धम्की दिँदै आएको प्रहरीको भनाई छ । जग्गाकै रिसिइवीका कारण जमसैद आलमको योजनामा मिन्त्रादेवीको हत्या भएको प्रहरी प्रवक्ता डिएसपी भरत श्रेष्ठले बताउनुभयो। आलमको योजनामा स्थानीय दाउद मिया, जहरुदिन मियाँ भन्ने हारुण मियाँ र महमद ईशराफुल मियाको संलग्नतामा मिन्त्रादेवीको घाँटी सलले कसेर मारेको प्रवक्ता श्रेष्ठले जानकारी दिनुभयो । हत्याराहरुलाई ज्यान सम्बन्धी मुद्दा दर्ता गरी सोमवार जिल्ला अदालत गौरबाट ७ दिनको म्याद थपेर घटनाबारे थप अनुसन्धान भइरहेको जिल्ला प्रहरी प्रमुख एसपी सिद्धिविक्रम शाहले जानकारी दिनुभयो ।