काठमाडौँ, १ असोज । भारतीय समकक्षी नरेन्द्र मोदीलाई प्रधानमन्त्री केपी शर्मा ओलीले जन्मदिनको शुभकामना दिनुभएको छ । उहाले ट्वीटरमार्फत जन्मदिनको शुभकामना दिदै नेपाल–भारत सम्बन्ध थप बलियो बनाउनका लागि निरन्तर काम गर्ने उल्लेख गर्नुभएको छ ।
‘प्रधानमन्त्री मोदी जी तपाईँलाई जन्मोत्सवको न्यानो शुभकामना । शुस्वास्थ्य र खुशी प्राप्त होस्,’ ओलीले शुभकामना दिदै भन्नु भएको छ , ‘हामीले निकै निकटमा रहेर दुई देशबीचको सम्बन्ध थप बलियो बनाउनका लागि काम गर्ने छौँ ।’ भारतीय प्रधानमन्त्री नरेन्द्र मोदी आजदेखि ७० वर्ष पुरा गर्नु भएको छ । मोदीको जन्म सन् १९५० को सेप्टेम्बर १७ मा गुजरातमा भएको हो।
प्रतिक्रिया दिनुहोस्