काठमाडौं, १७ मंसिर । नेकपा एमालेका बरिष्ठ नेता माधवकुमार नेपालले कम्युनिष्ट पार्टीहरुको एकिकरणले नअत्तालिन कांग्रेसलाई आग्रह गर्नुभएको छ ।
प्रेस चौतारी र प्रेस सेन्टर काठमाण्डौले संचालन गरेको मिडिया डेस्कको अन्तरक्रिया कार्यक्रममा नेपालले प्रतिनिधि र प्रदेशसभा निर्वाचनपछि देशको समृद्धि र सुशासनको लागि बाम गठबन्धनको सरकार बन्ने दावी गर्नुभएको छ । राष्ट्रियता समृद्धि र सुशासनको लागि बाम शक्तिहरु एकजुट भएपछि आम जनतामा खुशी छाएको दाबी गर्नुभयो । बाम गठबन्धनको सरकारले खुला बजार अनुसार राष्ट्रिय तथा विदेशी पूंजीको लगानीको बाताबरण सुरक्षित गर्ने बताउनुभयो ।
समय अभावका कारण पार्टी एकिकरण निर्वाचन अघि नभएपनि निर्वाचनपछि एउटै कम्युनिष्ट पार्टी बन्ने भएकोले कसैले भ्रमको राजनीति नगर्न सुझाव दिनुभयो ।
पूर्व प्रधानमन्त्री समेत रहनु भएका नेपालले बाम सरकारले पूर्वाधार, जलविद्युत र पर्यटन क्ष्ँेत्रको प्राथमिकरण गर्ने बताउनुभयो । उहाले अन्तरािष्ट्रय विमानस्थल, जलविद्युत, सडक स्तरोन्नती, सफा शहर शिक्षा र स्वाथ्य क्षेत्रमा जोड दिनुभयो । यसैगरी कार्यक्रम नयां शक्ति पार्टीका काठमाण्डौ क्षेत्र नम्बर २ का उम्मेदवार गणेश सिंखडा लगायतका नेता कार्यकर्तालाई प्रवेश गराउदै सबै प्रगतिशिल शक्तिहरु एकजुट हुदै देश निर्माण लाग्ने समय आएको धारणा समेत राख्नुभएको थियो ।
प्रतिक्रिया दिनुहोस्