काठमाडौं, १७ वैशाख । सत्तारुढ नेपाल कम्युनिस्ट पार्टी (नेकपा)को सचिवालयका बैठक सकिएको छ ।आजको सचिवालय बैठक पार्टी र सरकारलाई थप बढी सुदृढ बनाउने सहमती साथ सम्पन्न भएको छ । अर्को  बैठक २० गते बोलाइएको छ । यो बैठकले स्थायी कमिटी बैठक मागबारे निर्णय गर्ने प्रवक्ता नारायणकाजी श्रेष्ठ प्रकाशले जानकारी दिनुभयो ।

पार्टीलाइ एकताबद्ध ढंगले अघि बढाउने सन्दर्भमा छलफल भएको आज बसेको वैठकमा छलफल भएको प्रवक्ता श्रेष्ठले बताउनुभयो । बैठकमा नेतृत्वले आन्तरिक गृहकार्य गरी आफ्ना विषयवस्तु प्रस्तुत गर्ने उहाँले बताउनुभयो । प्रवक्ता श्रेष्ठले भन्नुभयो, ‘‘पार्टीभित्रको आन्तरिक समस्या, पार्टी एकताको सुदृढिकरणको महत्व, सरकार र केही कमरेडहरुले माग गर्नुभएको स्थायी कमिटि बैठकका बारेमा र यससँग जोडिएका विविध पक्षका बारेमा बैठकमा छलफल भयो । छलफल जारी नै छ । यो बिचमा पार्टीको नेतृत्व टिमले अनौपचारिक गृहकार्यको प्रकृया अगाडी बढाउँदै २० गते पुन सचिवालय बैठक बस्ने निर्णय गरेको छ ।’’ प्रवक्ता श्रेष्ठले भन्नुभयो । २० गते बस्ने बैठकले अहिलेको आवश्यकतासँग मेल खाने गरी पार्टीलाई एकतावद्ध ढंगले अगाडी बढाउने विषय र स्थायी कमिटी बैठकका विषयमा निर्णय गर्ने उहाँले बताउनुभयो ।