पोखरा, १२ मंसिर । कास्कीमा यस वर्ष धान उत्पादनमा पाँच प्रतिशतले वृद्धि भएको छ ।
मौसम अनुकूल र समयमै रासायनिक मल उपलब्ध भएकाले यस वर्ष धान उत्पादन पाँच प्रतिशतले वृद्धि भएको जिल्ला कृषि विकास कार्यालयका प्रचारप्रसार अधिकृत प्रकाश वस्ताकोटीले जानकारी दिनुभयो ।
यस वर्ष जिल्लामा ८४ हजार ६६२ मेट्रिक टन धान उत्पादन भएको छ । गत वर्ष ८० हजार ५८३ मेट्रिक टन धान उत्पादन भएको वस्ताकोटीले बताउनुभयो ।
जिल्लामा यस वर्ष २६ हजार ५० हेक्टरमा धानखेती गरिएको थियो । बाह्रै महिना सिञ्चित हुने चापाकोट, कास्कीकोट, सराङकोट, अर्मला, आर्वा, लेखनाथ र हेम्जामा १० तथा जिल्लाका अन्य ठाउँमा दुईदेखि तीन प्रतिशत धान उत्पादनमा वृद्धि भएको छ ।
पोखरा–लेखनाथ महानगरपालिका, अन्नपूर्ण, मादी, माछापुच्छ«े, रुपा गाउँपालिकामा धानखेती हुने गर्दछ ।
प्रतिक्रिया दिनुहोस्