काठमाण्डौं, ११ मंसिर । इंग्लिस प्रिमियर लिग फुटबल अन्तर्गत गएराति भएको खेलमा आर्सनलले जित दर्ता गरेको छ ।
अवे मैदानमा भएको खेलमा आर्सनलले बर्नलीलाई १–० ले हराउँदै महत्वपूर्ण जित निकालेको हो । खेलको इन्जुरी समयसम्म गोलरहित बराबरी भएको खेलमा आर्सनललाई जिताउन एलेक्स सान्चेज नायक बने । इन्जुरी समयको दोस्रो मिनेटमा पाएको पेनाल्टीको अवसरलाई सदुयोग गर्दै सान्चेजले आर्सनलका लागि विजयी गोल गरेका हुन् । अहिलेसम्म आर्सनलले बर्नलीलाई इन्जुरी समयको गोलबाट तीनपटक हराएको छ । गएको सिजनमा ९८ औं मिनेटमा सान्चेजले गोल गर्दै आर्सनललाई जिताएका थिए । जितपछि चौथो स्थानको आर्सनलको १३ खेलबाट २५ अंक भएको छ । २२ अंकसहित बर्नली सातौं स्थानमा छ । राति नै भएको अर्को खेलमा साउथह्याम्पटनले एभर्टनलाई ४–१ ले हरायो ।
प्रतिक्रिया दिनुहोस्