काठमाडौं, १९ फागुन  । सरकारले चीनका लागि नेपाली राजदूत लीलामणि पौडेललाई फिर्ता बोलाएको छ ।

मन्त्रिपरिषद्को हिजो साझ बसेको बैठकले पौडेललाई फिर्ता बोलाउने निर्णय गरेको हो । पूर्व मुख्यसचिव पौडेललाई २०७३ कात्तिकमा चीनका लागि नेपाली राजदूत नियुक्त गरेको थियो । पुष्पकमल दाहाल प्रचण्ड नेतृत्वको सरकारको सिफारिसमा पौडेल मन्त्रीस्तरको कूटनीतिक दर्जा पाएर राजदुत नियुक्त हुनुभएको थियो । आजकै बैठकले नया“ राजदूतमा पूर्वपरराष्ट्रमन्त्री महेन्द्रबहादुर पाण्डेको नाम सिफारिस गरेको छ । बैठकमा परराष्ट्रमन्त्री प्रदीप ज्ञवालीले पाण्डेको नाम सिफारिस गर्नुभएको थियो । प्रधानमन्त्री ओली पहिलो पटक प्रधानमन्त्री भएका बेला पाण्डेलाई राजदूत सिफारिस गरेको थियो ।

तर ओली सरकार ढले लगतै तत्कालीन माओवादी–कांग्रेस गठबन्धनको सरकारले ओली सरकारले सिफारिस गरेका नामहरु फिर्ता लिएको थियो ।