काठमाडौं, १२ फागुन । भारतको तमिलनाडुस्थित सालेममा बुधवार बस दु र्घ टना मा निधन भएका सातजना नेपालीको शव आज नेपाल ल्याइने भएको छ । दुर्घटना मा ८ जना नेपालीको निधन भएको थियो । ७ जनाको शव भने इटहरी र काठमाडौं पुर्‍याइने भएको हो । नेपाल सरकारको खर्चमा मृ तकको शव सिलिगुडीको बागडोग्रा र काठमाडौं हुँदै स्वदेश ल्याउन लागिएको छ । बुधवार नेपाली तीर्थयात्री चढेको बसलाई लहरीले ठ क्कर दिँदा ६ जनाको घटना स्थलमै निधन भएको थियो भने उपचारका क्रममा थप दुईजनाको निधन भएको नेपाली दूताबासले जानकारी दिएको थियो ।

एकजनाको शव आफन्तले आफैँ स्वदेश ल्याएका कारण ७ जनाको शव सरकारको पहलमा ल्याइन लागेको हो । त्रियुगा ७ उदयपुरका विष्णुप्रसाद दाहालको शव काठमाडौं ल्याउने तयारी छ भने ६ जनाको शव सिलिगुडीको बागडोग्रा विमानस्थल हुँदै ल्याउने तयारी छ ।

बाँकी छ जना मृतकमध्ये एकजना इटहरी र बाँकी खनारका हुन् । इटहरी १० का वीरबहादुर राई, खनाका बुद्धमी थारुनी, रासीलाल चौधरी, टीकाराम चौधरी, फुसरी देबी चौधरी र गोपाल तामाङको निधन भएको थियो ।