आईसीसी विश्वकप क्रिकेट लिग २ मा नेपालको ओमान संग दोस्रोे हार (भिडियोसहित)



काठमाडौं, २७  माघ ।  विश्वकप छनोटको रुपमा रहेको आईसीसी विश्वकप क्रिकेट लिग २ अन्तरगत नेपालले पुन खराब प्रर्दशन गरेको छ । अमेरिकालाई शनिबार परजित गरेको नेपालले ओमान संग भने लगातर हार व्यहोरेको छ ।

विश्वकप छनोटको रुपमा रहेको आईसीसी विश्वकप क्रिकेट लिग २ मा नेपालको औसत प्रर्दशन देखिएको छ । आज भएको सिरिजको तेस्रो खेलमा नेपाल ओमानसंग ८ विकेटले पराजित भएको छ । नेपालले दिएको २ सय ५० रनको लक्ष्य ओमानले ४७ ओभर २ बलमा मात्र २ विकेट गुमाएर पुरा गर्यो । यससगै नेपाल ओमानसग लगातार दुई पटक पराजित भएको छ । नेपालका लागि कप्तान ज्ञानेन्द्र मल्लले ५६, पारस खड्काले ३८, विनोद भण्डारीले ३५ , आरिफ शेख र कुशल मल्लले समान २८, २८ रन जोडेका थिए । यसैगरी ओपनर सुवास खकुरेल २२ र करण केसी १० रनमा आउट भएका थिए । ओमान विरुद्धको खेलमा व्याटीङ उत्कृष्ठ रहेता पनि खराव वलिङका र विकेट लिन नसक्नु खेल हार्नुको मुख्य कारण बनेको छ ।

यसअघि अमेरिकालाई ३५ रनले हराउदै शनिबार नेपालले पहिलो जित पनि दर्ता गरेको थियो । नेपालले दिएको १ सय ९१ रनको लक्ष्यसहित जवाफी ब्याटिङ गरेको अमेरिका ४४ ओभर १ बलमा अलआउट हुँदै १५५ रनमा समेट्न सफल नेपाल आफ्ने तेस्रो खेलमा ओमानसंग दोस्रो हार व्यहोर्न पुगेको हो । अमेरिकाका लागि इयान होलाण्डले अर्धशतकीय इनिङ्स खेलेपनि टोलीलाई हारबाट जोगाउन सकेनन । नेपालको खेलमा भने विनोद भण्डारी र डेब्यु खेलाडी कुशल मल्लले अर्धशतकीय इनिङ्स खेलेका थिए । कुशलले ६२ बलमा ५ चौका र १ छक्का सहित ५० रन बनाएका थिए । डेब्यु खेलमै अर्धशतक पुरा गरेर कुशलले एकदिवसीय अन्तराष्ट्रिय क्रिकेटमा अर्धशतक बनाउने विश्व कीर्तिमान बनाएका छन । लिग अन्तर्गतको पहिलो खेलमा ओमानसँंग खराब प्रर्दशन गरेको नेपालले शनिबार अमेरिकासँग भने सुधारात्मक प्रर्दशन गरेको थियो ।

त्रिकोणात्मक सिरिजको पहिलो खेलमा पनि नेपाल ओमानसँग १८ रनले पराजित भएको थियोे । नेपाल विरुद्ध ओमानको जितसँगै ओमान आइसीसी मेन्स क्रिकेट वल्र्डकप लिग २ को शीर्ष स्थानमै कायम रहन सफल भएको छ । ओमानले ९ खेलमा ७ खेल जित्दै १४ अंक बनाएको छ । अमेरिका १० खेलसहित १२ अंक जोडेर दोस्रो स्थानमा छ । नेपालले भने मात्र ३ खेल खेलेको छ । जसमा दुईमा हार र एक जित निकाल्दै नेपालको २ अंक छ ।

    Comment Here!


सम्बन्धित समाचार

View All