बुटवल, ४ मंसिर ।
रुपन्देही क्षेत्र नम्बर २ प्रतिनिधिसभा सदस्यका उम्मेदवार विष्णुप्रसाद पौडेलले आयात प्रतिस्थापन गरी निर्यात प्रवद्र्धन गर्ने खालका उद्योग स्थापना गर्न अब बन्ने सरकारले विशेष रणनीति बनाउने बताउनु भएको छ ।
बुटवलमा भएको उद्योगी व्यवसायीको बृहत भेलामा उहा“ले राष्ट्रिय उत्पादन बढाउन आवश्यक रहेको बताउनुभयो । उहा“ले अब स्थिर सरकार बन्ने र राष्ट्रिय उत्पादन बढाउन आवश्यक नीति बनाउने बताउनुभयो । नेकपा एमालेका उपमहासचिव समेत रहनुभएका नेता पौडेलले कम्तीमा पा“च वर्ष टिक्ने सरकार अब बन्ने भएकाले दीर्घकालिन औद्यौगिक नीति बनाउन सुझाव आवश्यक रहेको उल्लेख गर्नुभयो । उहा“ले स्वदेशमा उत्पादन गरेको भन्दा आयात गरेको बस्तु सस्तो भए स्वदेशी उद्योगहरु चल्न नसक्ने भन्दै त्यसका लागि उपयुक्त नीति बनाएर मात्र राष्ट्रिय उत्पादन बढाउन सकिने बताउनुभयो । कार्यक्रममा एमाले नेताहरु रुपन्देही क्षेत्र नम्बर २ प्रदेशसभा १ का उम्मेदवार लिला गिरी, २ भोजप्रसाद श्रेष्ठ, माओवादी केन्द्रकातर्फबाट समानुपातिक उम्मेदवार रामप्रसाद बन्जाडे, उद्योगी व्ययवासायीहरु बाबुराम भट्टराई, बाबुराम बोहोरा लगायतले बोल्दै देशको आर्थिक विकासको लागि नीतिगत व्यवस्था मिलाउन सबै बामहरुको एकता आवश्यक रहेको चर्चा गर्नुभयो ।