एजेन्सी / भारतको हैदराबादमा भएको सामूहिक बलत्कारका ४ आरोपीहरूलाई भारतीय प्रहरीले गोली हानी मारेको छ । बिहीबार अबेर नेसनल हाइवे ४४ मा प्रहरी कारबाहीमा उनीहरू मारिएका हुन् ।

प्रहरीले आरोपीहरूलाई एनएच–४४ मा अपराधको दृष्य ‘रि–क्रियट’ गर्न लगेको थियो । चारैजना आरोपीहरूले भाग्ने प्रयास गर्दा गोली हानिएको प्रहरीको दाबी छ ।

रतको हैदरावादका सामुहिक बलात्कारका चारै जना आरोपीलाई प्रहरीले इन्काउण्टर गरेका छन् ।

बलात्कारको घटनालाई सिन रि क्रिएट (घटनास्थलमा घटनाको दृश्य बनाउन) गर्न लगिएको अवस्थामा चारै जना भाग्न खोज्दा उनीहरुलाई गोली हानेर इन्काउण्टर गरेको हो । भारतको नेश्नल हाइवे–४४ मा क्राईम सिन रिक्रिएट गराउन प्रहरीले उनीहरुलाई घटनास्थल लगेको थियो । प्रहरीका अनुसार, त्यहाँबाट उनीहरुले भाग्न खोज्दा चारैजनालाई इन्काउण्टर गरी ढालेको हो ।

गत २७ नोभेम्बरको राती हैदरावादमा महिला पशु चिकित्सक डा. प्रियँका रेड्डीसँग सामुहिक बलात्कार गरी जिउँदै जलाएको थियो । जलेको अवस्थामा प्रियँकाको शव बेंगलुरु हैदरावाद राष्ट्यि राजमार्गको अन्डरपासको नजिकै भेटाएको थियो ।

भारतीय प्रहरीले यस मामिलामा चारै जना आरोपिलाई पक्राउ गरेको थियो । प्रहरीले आरोपितहरुलाई अदालतमा पनि पेश गरेको थियो जहाँ उनीहरुलाई १४ दिनको हिरासतमा राख्न पठाइएको थियो । त्यसपछि हैदरावाद प्रहरीले थुनुवाको माग गरेकोमा उनीहरुलाई ७ दिनको प्रहरी कस्टडीमा पठाइएको थियो । प्रहरीले उनीहरुलाई सिन रि क्रिएट गर्न लगेका थिए , उनीहरु भाग्न खोज्दा उनीहरुलाई गोली हानेको दाबी गरिएको छ ।

आरोपितहरुले सहयोग गर्ने भावना देखाउँदै प्रियँकालाई सामुहिक बलात्कार गरेका थिए । त्यसपछि घाँटी दबाएर मारेपछि जिउमा आगो लगाएर जलाएका थिए । यस घटनापछि भारतमा आम जनता सडकमा आउँदै उनीहरुको रिस बाहिर आएको थियो । उनीहरुलाई इन्काउण्टर गरेपछि प्रियँकासँग न्याय भएको प्रतिक्रिया भारतका जनताहरु दिएका छन् । हालाकी, यो न्याय नभएको पनि तर्क गरिएको छ ।