काठमाडौं, १५ कात्तिक ।  विसं २०३४ मा पृथ्वीराजमार्ग चिनिया सरकारले नेपाल सरकारलाई हस्तातरणपछि संचालनमा आएको हो । संचालनपछि दिनपछि त्रिशुली खण्ड अत्याधिक सडक दुघर्टना हुने गरेको छ । सडक संचालनमा आएको ११ वर्षपछि सडक दुर्घटनाको लेखाजोखा राख्न थालिएको हो ।

विसं २०४५ सालदेखि यस क्षेत्रमा भइरहेका सडक दुघर्टनाको विवरण सरकारले राख्दै आएको छ । सरकारले दुघर्टनाको विवरण राखेपनि दुघर्टनामा कमि ल्याउने प्रयास भएकै छैनन् । विसं २०६२ फागुन २३ गते जोगीमाराकै ज्यामिरेघाटबाट हाल सम्मकै ठूलो बस दुर्घटना भएको थियो । काठमाण्डौंबाट धरान जादै गरेको तिलगंगा यातायातको रात्रीबस त्रिशूलीमा खस्दा ५६ जनाको घटनास्थलमै मृत्यु भयो । त्यसैगरि विसं २०७३ असोज १० गते मुक्तिनाथबाट फकदै गरेका पूर्व गृहमन्त्री माधवप्रसाद घिमिेरे मुग्लिन नजिकैको साविक दारेचोकको घोप्टेभीरबाट परिवारै सहित खसे । उक्त जीप र घिमिरे दुवैजना फेला परेनन् । विसं २०६४ भदौ १६ गते ४२ जना वौद्धमार्र्गी र आनीहरु बोकेर धरानवाट कँठमाडौं बस र शव निकाल्न एक हप्ता समय लागेको थियो ।

२०६८ दशैंमान्न काठमाडौंबाट गएका ४८ जना वेलायती सेनाका जवान र परिवारहरु चढेको रिजर्व वस गजुरी,को घाटवेंसी नजिकै वा¨ेमोडवाट खसेर ४ जनाको ज्यान बाहेक ४४ जनाको शव झिक्न बंगलादेशवाटै गोताखोर मगाउनु पर्को थियो । सोही स्थानमा गत २०७४ कार्तिक ११ गते छठ मनाएर सप्तरीवाट फर्कदै गरेका ३४ जना यात्रुको घटनास्थलमै मृत्यु भयो र १५ जना सकुसल उद्धार गरेको थियो ।

जिल्ला ट्राफिक कार्यालय ,गजुरीका अनुसार गत आर्थिक वर्षको साउनदेखि असार मसान्त सम्म मात्रै धादिङ जिल्ला अन्तर्गत पर्ने ८६ किमीको दुरीमा पर्ने पृथ्वीराजमार्गमा १ सय ३८ दुर्घटनामा ९३ जनाको मृत्यु, १ सय २३ जना सख्त घाईते र २ सय १० जना सामान्य घाईते भएका थियो । जिल्ला ट्राफिक प्रहरी कार्यालय गजुरीका प्रहरी निरीक्षक नेत्र प्रसाद भट्टका अनुसार अधिकांश दुर्घटनाको कारणमा विहानीपखको निद्रा, चालकको लापरबाही, तीव्र गति, मादक र लागुपदार्थ सेवन र ओभरटेक गर्ने कारण छन् । हाल सम्मका नयां पुराना तथ्याङ्क अध्ययन गर्दा पृथ्वीराजमार्गमा मात्रै २०४५ साल यता २ सय ६९ वटा यात्रुवाहक बस दुर्घटना भएको रेकर्ड गजुरी स्थित जिल्ला ट्राफिक कार्यालयसंग छ ।

वि.स. २०२४ सालमा देशभरि २ हजार सवारी साधन भएको बेला सोही आधारमा निर्माण गरिएको सडकमा हजारौं सवारीसाधन थपिँदा पनि सडकको गुणस्तर र क्षमता उस्तै छ । १० टन क्षमताका लागि बनाइएको राजमार्गमा ४० टनभन्दा बढी १६ चक्केमालबाहक ढुवानीका गाडी गुडाउने, दुर्घटनाबाट जोगाउन सडक किनारामा राख्नु पर्ने सुरक्षा उपाय नगर्दा राजमार्गको यो क्षेत्रमा दुर्घटना हुने गरेको छ । यस सडक खण्डका यी दुघर्टना प्रतिनिधिमूलक हुन् । यस सडकले धेर जीवनहरु अकालमै बितेका छन् । चालक र सवारी चालक मुख्य समस्या हुदा यस्तो वर्षेनी दुघर्टना घट्नुको साटो बढ्दो छ ।