काठमाडौं, १ भदौ । प्रहरीले रवि लामिछानेको समर्थन गर्दै प्रहरी प्रमुखलाई सामाजिक सञ्जालमा तथानाम लेख्ने एक जनालाई पक्राउ गरेको छ । टेलिभिजन कार्यक्रम प्रस्तोता रवि लामिछाने पक्राउको विषयलाई लिएर काठमाडौं प्रहरी प्रमुख उत्तमराज सुवेदीका विषयमा सामाजिक सञ्जालमा तथानाम लेख्ने एक जनालाई प्रहरीले पक्राउ गरेको हो ।

पक्राउ पर्नेमा रिदम विसी भनिने शंकर विक रहेको प्रहरीले जनाएको छ । उनलाई अछाम प्रहरीले पक्राउ गरेको हो । मंगलसेनमा पक्राउ परेका विकलाई प्रहरीले काठमाडौं ल्याउन लागेको जनाएको छ । काठमाडौं प्रहरी परिसर, टेकुका डीएसपी होविन्द्र बोगटीले विकलाई पक्राउ गर्न जिल्ला प्रहरी कार्यालय, अछामलाई पत्राचार गरेपछि उनलाई पक्राउ गरेर काठमाडौं ल्याउन लागेको बताएका छन् । अछामका प्रहरी प्रमुख जनकबहादुर शाहीले शनिबार विसीलाई पक्राउ गरिएको पुष्टि गरेका छन् ।

आफुलाई गायक भन्ने विकले सामाजिक सञ्जाल मार्फत प्रहरी प्रमुखको विषयमा निकृष्ट टिप्पणी गरेका थिए । उनले ‘रवि लामिछानेलाई दाइलाई फसाउने यो नै हो भ्रष्ट‘ भन्दै फेसबुकमा स्टाटस लेखेका थिए, जसलाई ५ सय बढीले शेयर गरेका छन् ।

पत्रकार शालिग्राम पुडासैनी प्रकरणमा काठमाडौं प्रहरी परिसर, टेकु र जिल्ला प्रहरी कार्यालय, चितवनको टोलीले ३० साउनमा लामिछानेसहित युवराज कँडेल र नर्स अस्मिता कार्कीलाई नि यन्त्रणमा लिएको थियो । उनीहरुलाई नियन्त्रणमा लिएपछि तीन दिन देखि चितवनमा त नाव कायम छ । रविका समर्थकले चितवनमा प्रदर्शन जारी राखेका छन् ।