काठमाडौं,२३ चैत । प्रदेश २ सरकारले स्थापना गरेको मुख्यमन्त्री राहत कोषमा शनिवार बिहानसम्म चार करोड बढी रुपैयाँ संकलन भएको छ ।

गत आइतबार साझ आएको बिनाशकारी हावा हुण्डरीबाट प्रभावित बासिन्दाहरुको सहयोगका लागि बिभिन्न दाताबाट रकम प्राप्त भएको प्रदेश २ ले जनाएको छ । बिनाशकारी हावा हुण्डरीमा मानवीय क्षति भएको परिवारलाई सहयोग, घाइतेहरुको स्वाथ्य

उपचार र भौतिक क्षतिको पुर्ननिर्माणमा ठूलो लगानीको आवश्यक्ता महसुश गरिएको छ । यस्तोमा बिभिन्न दाताहरुले मुख्यमन्त्री राहत कोषमा सहयोग प्रदान गरिरहेका छन् । प्रदेश ३, ५ र कर्णालीका सरकारले एक करोड रुपैयाको दरले मुख्यमन्त्री राहत कोषमा सहयोग उपलब्ध गराउने शुनिश्चित भएको छ ।

यसैबीच, त्रिभुवन विश्वविद्यालय कर्मचारी संघ किर्तीपुरले एक दिनको तलब बराबरको रकम शनिवार बिहान कोषलाई दिएको छ । उनिहरुले दश लाख ८२ हजार १ सय ५५ रुपैयाको चेक राहत कोषलाई हस्तान्तरण गरे ।