पाँचथर । पाँचथर र ताप्लेजुङका उद्योगी तथा व्यवसायीहरु कर तिर्न झापाको सदरमुकाम भद्रपुरसम्म धाउनुपर्ने बाध्यता थियो । लामो दूरीको यात्राका कारण तिर्नुपर्ने राजस्वभन्दा १० गुणा बढी खर्च हुँदै आएको थियो । पा“चथर समरमुकाम फिदिममा करदाता सेवा कार्यालय सञ्चालनमा आएपछि सेवाग्राहीहरु उक्त सास्तीबाट मुक्त भएका छन् ।

पाँचथर र ताप्लेजुङका उद्योगी तथा व्यवसायीहरु राजस्य तिर्न वर्षौंदेखि झापाको सदरमुकाम चन्द्रगढी धाउदै आएका थिए । ताप्लेजुङ र पाँथरबाट भद्रपुरसम्म पुगेर पाँचसय रुपैयाँ राजस्व तिर्न तीन दिन लाग्ने र पाँच हजार रुपैयाँभन्दा बढी खर्च हुने गरेको सेवाग्राहीको गुनासो थियो ।
सेवाग्राहीको सहजताका लागि पाँचथरको सदरमुकाम फिदिममा गत भदौ २२ गतेदेखि करदाता सेवा कार्या संचालनमा आएको छ । कार्यालय संचालनमा आएपछि त्यस क्षेत्रका सेवाग्राहीले भोग्दै आएको सास्ती हटेको छ ।

यस क्षेत्रका उद्योगी तथा व्यवसायीहरुले कर तिर्ने ठाउँ टाढा भएकाले पनि करको दायरामा आएका थिएनन् । दायरामा आएका केहीले पनि कष्टले मात्र कर तिर्दै आएका थिए । फिदिममै करदाता कार्यालय संचालनपछि करदाता बढ्ने राजस्व संकलनमा दोब्बर हुने करदाता सेवा कार्यालय पाँचथरका प्रमुख सरोजकुमार सिंहको भनाइ छ ।

सरकारले सबै जिल्लामा कर कार्यालय स्थापना नगर्दा सेवाग्राहीहरु मर्कामा पर्दै आएका छन् । बैंकबाट राजस्व तिर्न सकिने प्रावधान भए पनि रुजु गर्न कर कार्यालय नै पुग्नुपर्ने बाध्यता रहेकाले सेवाग्राही सास्ती नै छ । त्यसैले उद्योगी तथा व्यवसायीलाई करको दायरामा ल्याउन र कर तिर्ने सहज वातावरण बनाउन सरकारको ध्यान जान जरुरी छ ।