काठमाडौं,१४ भाद्र । बिमस्टेकको १४ औँ शिखर सम्मेलनमा सहभागी हुन आएका सबै शीर्ष पाहुनालाई  राष्ट्रपति भण्डारीले दिवा भोजको आयोजना गर्नुभएको छ ।

राष्ट्रपतिका सल्लाहकार सुशील प्याकुरेल, राष्ट्रपति कार्यालयका सचिव विनोद केसीलगायतले कार्यालयमा उनीहरूलाई स्वागत गरेका छन ।

बिमस्टेक शिखर सम्मेलनमा आएका भारतीय प्रधानमन्त्री नरेन्द्र मोदी, बंगलादेशी प्रधानमन्त्री शेख हसिना वाजेद, श्रीलंकाली राष्ट्रपति मैत्रीपला सिरिसेना, म्यानमारका राष्ट्रपति विन्ट मिन, थाईल्याण्डका प्रधानमन्त्री प्रयुच चाओचा र भुटानका प्रधानन्यायाधीश छिरिङ वाङचुकका राष्ट्रपति भण्डारीले शीतल निवासमा दिवाभोज आयोजना गरेकी हुन् ।

बिमस्टेक राष्ट्रका राष्ट्राध्यक्ष तथा सरकार प्रमुखहरुसँग राष्ट्रपति भण्डारीले गर्ने बैठकमा उपराष्ट्रपति नन्दबहादुर पुनपनि हुनेछन् । प्रधानमन्त्री केपी शर्मा ओली, परराष्ट्रमन्त्री प्रदीप ज्ञवाली, परराष्ट्र सचिव शंकरदास बैरागी र चिफ अफ प्रोटोकल दीपक अधिकारी सहभागी हुनेछन् ।

शीर्ष पाहुनाहरुसँगको बैठक सकिएलगत्तै राष्ट्रपति कार्यालय परिसरभित्रै आयोजना गरिएको दिवाभोजमा अन्य पाहुनाहरुलाई पनि निमन्त्रणा दिइएको छ ।

तिनमा राष्ट्राध्यक्ष र सरकार प्रमुखका श्रीमान् वा श्रीमति, परराष्ट्रमन्त्री मात्र छन् । विपक्षी दलका नेता, पूर्व प्रधानमन्त्री, सभामुख, प्रधानन्यायाधीश लगायतका  नेताहरुलाई बिमस्टेक राष्ट्रका राष्ट्राध्यक्ष र सरकार प्रमुखहरुलाई दिइने दिवाभोजमा निम्तो दिइएको छैन् ।