काठमाडौं,१ भदौ । विना लुगा सिंहदरबारमा धर्ना बस्न जाने क्रममा आफूलाई पशुअधिकारकर्मी बताउने एक युवकलाई प्रहरीले नियन्त्रणमा लिएको छ ।
उनलाई अर्धनग्न अवस्थामा प्रहरीले नियन्त्रणमा लिएको हो ।
सबै जनावर समान रहेकोले गाईलाई राष्ट्रिय जनावरबाट बदर माग गर्दै जितिन लिम्बुले सिंहदरबारको दक्षिण गेट अगाडी धर्ना दिन खोजेका थिए । अर्धनग्न भएर धर्नामा बस्न खोजेका उनलाई प्रहरीले नियन्त्रणमा लिएको थियो ।
उनले ‘जनावर सबै एक हुन, कानून सबैलाई लागू गर, नयाँ मुलुकी ऐन संशोधन गर, राष्ट्रिय जनावर बदली गर’ लेखिएको प्लेकार्डले शरिरमा लगाएका थिए ।
सार्वजनिक स्थलमा अश्लीलता प्रर्दशन गरेकाले उनलाई नियन्त्रणमा लिईएको महानगरीय प्रहरी वृत्त, सिंहदरबारले जनाएको छ ।
प्रतिक्रिया दिनुहोस्