चितवन ,२४ साउन । चितवनमा रहेका विद्यालयका बसहरुले क्षमता भन्दा बढी विद्यार्थी बोक्ने गरेका छन् ।

चितवनका अधिकाम्स निजी विद्यालयका स्कुल बसहरुले क्षमता भन्दा २ गुणा बढी विद्यार्थीहरु बोकेको पाइएको छ । सामान्यता एउटा बसमा ३५ जनाको लागि सिट हुन्छ तर स्कुलबसहरुले ८०–९० जना विद्यार्थीसम्म बोक्ने गरेका छन् ।

अभिभावकहरुसँग प्रत्येक विद्यार्थीको मासिक रुपमा शुल्क उठाउने विद्यालयले विद्यार्थीहलाई भने त्यो अनुरुपको सेवा दिएको छैन । केहि स्कुल बसमा विद्यार्थीहरुलाई भेडाबाख्रा जसरी बोक्ने गरिएको छ ।

बसमा उब्बिने समेत ठाँउ नहुने गरि विद्यार्थी बोक्ने गरेका छन् । क्षमता भन्दा बढी विद्यार्थी बोकेर बस निर्वाद गुड्ने गरेका छन् तर त्यसतर्फ ट्राफिक प्रहरीको ध्यान पुग्न सकेको छैन । पुर्वीचितवनको डेजी स्कुल , नेपाल आदर्श शिक्षा सदन र ओसिएन एकेडेमीको स्कुल बसले क्षमता भन्दा बढी विद्यार्थी बोकेका छन् ।

यी त प्रतिनिधि मुलक नाम मात्रै हुन् चितवनका अधिकाम्स विद्यालयका बसहरुले क्षमता भन्दा बढी विद्यार्थी बोक्ने गरेका छन् । सडकमा क्यामरा सहित निगरानी गरेको थाहाँ पाएर क्षमता भन्दा बढी विद्यार्थी बोकेको डेजी स्कुलको ग १ क ३१३८ नम्बरको स्कुल बसले विद्यालय भन्दा एक किलोमिटर टाढै केहि विद्यार्थीलाई झारेर उनीहरुलाई पैदल हिडाएरै स्कुल पठाएका थिए ।

डेजीकै ना १ क ६९२५ नम्बरको स्कुल बसमा त भित्र पस्ने ठाँउ समेत नहुने गरि विद्यार्थीहरु कोचाकोच गरेर उभिने गरेका छन् । त्यस्तै नेपाल आदर्श शिक्षा सदनको ना २ ख ९९७१ नम्बरको स्कुल बसले एउटै बसमा करिब ८० जना विद्यार्थी बोक्ने गरेको छ ।

स्कुल बसमा एउटै सिटमा ४ जना विद्यार्थीसम्म राख्ने गरिएको छ । कुनै पनि सवारीसाधनमा क्षमता भन्दा बढी यात्रु बोक्न नमिल्ने र विद्यालय बस त अझ संवेदनशिल भएकोले त्यस्तो भेटे कारबाही गरिने जिल्ला ट्राफिक प्रहरी कार्यालय चितवनका प्रमुख प्रहरी निरिक्षक बेदप्रसाद गौतमले बताए ।