काठमाडौं,२० साउन । नेपाल कम्युनिष्ट पार्टी(नेकपा)का बरिष्ठ नेता माधव कुमार नेपालले नेपाली समाजको यथार्थलाई उजागर गर्न फोटो पत्रकारको भूमिका महत्वपूर्ण रहेको बताउनुभएको छ ।

काठमाडौंको नेपाल आर्ट काउन्सिलमा जारी नेपाल फोटो प्रतियोगिता २०७५ मा छानिएका उत्कृष्ट तस्बिरहरुको प्रर्दशनीको अवलोकन गर्दे नेता नेपालले यस्तो बताउनुभएको हो ।

उहाले नेपाली समाजका विविधतालाई , सामाजिक परिवेशलाई पनि उजागर गर्न पत्रकारहरु सफल भएको बताउनुभयो । उहाले फोटो पत्रकारको खुवीको प्रसंसा गर्दे प्रर्दशनीको अवलोकनबाट प्रसन्नता महशुस भएको धारणा राख्नुभयो ।

त्यस्तै आईतबार नै सभामुख कृष्ण वहादुर महरा , उपप्रधान एवं रक्षामन्त्री ईश्वर पोखरेल लगाएतले पनि फोटो प्रर्दशनीको अवलोकन गर्नुभएको थियो । यहि साउन १६ गते बुधबारबाट सुरु प्रर्दशनी २१ गते सोमबारसम्म जम्मा ६ दिन चल्नेछ ।

फोटो प्रदर्शनीमा कल्चर एन्ड टुरिजम, नेचर एन्ड वाइल्ड लाइफ, डेली लाइफ, न्यूज फोटो, नेपाल स्माइल लगाएतका बिधाका उत्कृष्ट १ सय ६० फोटोहरु प्रर्दशनीमा रहेको फोटो पत्रकार क्लब नेपालका अध्यक्ष विकास कार्कीले जानकारी दिनुभयो ।