काठमाडौं,२७ असार । बेल्जियमलाई पराजित गर्दै फ्रान्स रसियामा जारी विश्वकपमा फाइनल प्रवेश गरेको छ। फ्रान्स बेल्जियमलाई १ गोलले पराजीत गर्दै फाइनल प्रवेश गरेको हो।
सन् १९९८ मा ब्राजिललाई ३-० ले पराजीत गर्दै पहिलोपटक विश्व विजेता बनेको फ्रान्स तेश्रो पटक विश्वकप फाइनलमा पुगेको हो। फ्रान्स यस अघि सन् २००६ को विश्वकपमा इटालीसँग पेनाल्टीमा ५-३ ले पराजीत भएको थियो।
बेल्जियमलाई फ्रान्सले खेलको दोश्रो हाफको ५१ औं मिनेटमा गोल गरेको थियो। फ्रान्सका लागि सो गोल स्यामुयल उमटिटीले गरेका थिए। उनले हेडमार्फत सो विजयी गोल गरेका हुन्।
बेल्जियम पाँचपटकको विश्व विजेता ब्राजिललाई पराजित गर्दै सेमिफाइनलमा आएको थियो। फ्रान्सले विश्वकप उपाधिका लागि क्रोएशिया र इङ्ल्याण्डबीच हुने खेलको विजेतासँग प्रतिष्पर्धा गर्नेछ।
प्रतिक्रिया दिनुहोस्