काठमाडौं — राष्ट्रिय स्वतन्त्र पार्टीको समर्थनमा श्रम संस्कृति पार्टीकी सांसद रुवी कुमारी ठाकुर प्रतिनिधिसभाको उपसभामुख निर्वाचित भएकी छन्।
शुक्रबार प्रतिनिधिसभाको बैठकमा उनी उपसभामुखको उम्मेदवार बनाइएकी थिइन्। प्रस्तावको पक्षमा २२९ सांसदले मत दिए भने विपक्षमा मात्र ५ सांसदले मत दिए। राप्रपाका सांसदहरूले मात्र प्रस्तावको विरोध गरेका थिए। २२ सांसद तटस्थ रहे।
२५६ सांसद उपस्थित रहेको बैठकमा रुवी ठाकुरले सहजै उपसभामुख पद जितेकी हुन्।
२६ वर्षकी जेन–जि सांसद रुवी ले उपसभामुखको पदभार ग्रहण गर्दै नेपालको संसदीय इतिहासमा सबैभन्दा युवा उपसभामुख बन्न सफल भएकी छन्।
यो निर्वाचनलाई युवा पुस्ताको प्रतिनिधित्वको रूपमा पनि हेरिएको छ।
प्रतिक्रिया दिनुहोस्